Electric Ride on Cars kompaniyasi tadqiqot o‘tkazib, dunyodagi eng badavlat qirollik oilasining farzandi ismini aniqladi, deb xabar beradi “Korrespondent.net”.
Tadqiqotlarga ko‘ra, eng ko‘p boylik Keyt Middlton va shahzoda Uilyamning o‘rtancha farzandi malika Sharlotta Yelizaveta Dianaga tegishli. U qariyb 5 milliard dollarga egalik qiladi.
Hozirda malika Sharlotta olti yoshda. U nafaqat o‘zining akasi va ukasini, balki hozirda 29,65 million dollarga ega amakivachchasi — shahzoda Garri va Megan Marklning o‘g‘li Archini ham ortda qoldirgan.
Bundan tashqari, malika Sharlotta dunyodagi eng badavlat bolalar orasidagi reytingga ham yetakchilik qiladi.
Eslatib o‘tamiz, 2015-yilda tug‘ilgan Sharlotta qirolichaning beshinchi evarasi hisoblanadi. U Britaniya taxtiga to‘rtinchi o‘rinda da’vogarlik qiladi. Sharlotta — chaqaloqning buvasi Uels shahzodasi Charlz ismining ayollarga xos variantidir. U fransuz tilidan olingan bo‘lib, “latofatli va nazokatli” degan ma’nolarni anglatadi. Undan tashqari bu Keytning tug‘ishgan singlisi Pippa Middltonning ikkinchi ismi hamdir.
Izoh (0)