Faqat Alek Bolduin emas: insonlar o‘limiga sabab bo‘lgan mashhurlar (foto)

Turli sabablarga ko‘ra boshqalarning o‘limiga sabab bo‘lgan taniqli shaxslar haqida ma’lumot berib o‘tamiz.

Vinus Uilyams

2017-yil tennis yulduzi Vinus Uilyams avtohalokatga uchragan. Ushbu baxtsiz hodisa oqibatda bir odam halok bo‘lgan. Sportchi Florida shtatidagi Palm-Bich-Gardenda ketayotgan vaqt boshqa mashina bilan urilgan. Mashinani boshqargan ayol tirik qolgan, ammo uning 78 yashar turmush o‘rtog‘i reanimatsiyaga tushgan. Oradan 2 hafta o‘tib vafot etgan. Politsiya xodimining hisobotiga ko‘ra baxtsiz hodisaga Vinus Uilyams sababchi bo‘lgan.

Keytlin Jenner

Keytlin Jenner 2015-yil fevralda Malibuda avtohalokatga uchragan. Guvohlarning aytishicha, Keytlinning mashinasida oq avtomobil orqasida ketayotgan bo‘lgan. Keyin esa qarama-qarshi yo‘lga o‘tib ketgan. Undan keyin ortidan boshqa mashina kelib urgan. Oq mashinaning haydovchisi voqea joyida hayotdan ko‘z yumgan. Avtohalokatda ishtirok etgan boshqa 7 nafar ishtirokchi esa jarohat orttirib olgan. Keytlinning o‘ziga esa hech nima qilmagan.

Metyu Broderik

1987-yilda aktyor va uning “Ferris Byullarning dam olish kuni”dagi hamkasbi Jennifer Grey Irlandiyada hordiq chiqarayotgan bo‘lgan. Yanglishib ko‘chaga kirib ketgan Broderik qarshi tomondan kelayotgan mashinaga urilib ketgan. Undagi haydovchi va yo‘lovchi orttirilgan jarohatlar tufayli hayotdan ko‘z yumgan. Sudning yakuniy xulosasiga ko‘ra Mettyu oqlangan, ammo uzoq vaqt davomida fojia sabab o‘zini yomon his qilib yurgan.

Don King

Amerikalik boks promouteri Don King ikki nafar odamning hayotdan ko‘z yumishiga sababchi bo‘lgan. Birinchi holatda o‘zini himoya qilish uchun bosqinchiga o‘q uzgan. Ikkinchi safar 600 dollar qarz olgan sportchi Sem Gerrotni o‘z qo‘llari bilan bo‘g‘ib o‘ldirgan. Shundan keyin Don King 3 yil qamoqda o‘tirib chiqqan.

Sid Vishes

Ingliz pank-rok guruhi a’zosi Sid Vishes 1978-yil Nensi Spanjenni o‘ldirib qo‘ygan. Birinchi ko‘rsatmasida u mehmonxona nomerida uni o‘lik holda topganini ma’lum qilgan. Keyinroq esa qizga pichoq qadagani, ammo uni o‘ldirmoqchi bo‘lmaganini tan olgan. Qotillikda ayblangan Sid Vishes, narkotik moddani haddan ortiq qabul qilgani tufayli vafot etgan.

Brendi

Xonandaning Avatef Abudixajni hayotdan ko‘z yumishiga sababchi bo‘lgan avtohalokatga aloqasi bo‘lgan. Marhumni Brendli qolib boshqa avto urganiga qaramay, guvohlar xonanda barcha javobgarlikni o‘z bo‘yniga olgani va bir necha marta “Men to‘xtashim kerak edi”, — deb ta’kidlaganini ma’lum qilgan.

Maykl Jeys

Aktyor 2014-yil Los-Anjelesda farzandlarining ko‘z o‘ngida rafiqasi Eypril Jeysni o‘ldirganlikda ayblanib hibsga olingan. Ma’lum bo‘lishicha, o‘q ovozini eshitganidan keyin qo‘shnilar 911 raqamiga qo‘ng‘iroq qilgan. Mayklning o‘zi ham qotillik haqida xabar berish uchun politsiyaga xabar bergan. Jeysning aytishicha, hammasi er-xotin o‘rtasidagi nizo sabab kelib chiqqan. Aktyor rafiqasini unga xiyonat qilgan deb hisoblagan. Ijodkor sudda o‘zini aybdor deb tan olmagan. 2016-yilda u 40 yillik qamoq jazosiga mahkum qilingan.

Alek Bolduin

Aktyor Alek Bolduin “Zang” (Rust) filmini suratga olish maydonchasida operator Galin Xatchins va rejissor Joel Sousga tasodifan o‘q uzgan. O‘q uzilgan qurol rekvizit sifatida ishlatilayotgan bo‘lgan. Oqibatda 42 yashar Xatchins va 48 yoshli Sous yaralangan. Nyu-Meksiko universitetining shifoxonasiga vertolyotda olib borilgan Xatchins hayotdan ko‘z yumgan. Tez yordam mashinasida Santa-Fedagi Kristus Sent-Vinsent tibbiyot markaziga yuborilgan Sousning esa ahvoli og‘ir ekani aniqlangan. Keyinchalik Alek Bolduin suratga olish maydonchasida yuz bergan hodisa va operatorning o‘limi yuzasidan izoh bergan.