Tashrif buyuruvchilar aynan u yerda qarshi olingani sabab ham qirollik vakillariga tegishli qarorgohlarda mehmon kutiladigan xonalarning dizayni va qulayligiga alohida e’tibor beriladi.
Malika Anna, Getkomb bog‘i
Qirolicha Yelizavetaning yagona qizi Annaning Glostershirdagi qarorgohida qulay va ko‘rimli mebel bilan rivojlangan shinamgina mehmonxona mavjud. Malika va uning turmush o‘rtog‘i Timoti Lorens kechasi katta televizor tomosha qilib vaqt o‘tkazadi.
Shahzoda Garri va Megan Marklning Montesitodagi qo‘rg‘oni
Shahzoda Garri va gersoginya Megan AQShdagi hayoti bilan bog‘liq tafsilotlarni e’lon qilavermaydi. Shunga qaramay, muxlislar video qo‘ng‘iroq qaydlari orqali ularning Santa-Barbaradagi uyi mehmonxonasiga nazar tashlashga muvaffaq bo‘lgan. Unda eng birinchi bo‘lib, katta olovli kamin ko‘zga tashlanadi. Mebel va o‘rindiqlar devorga muvofiq och rangda ekanini ko‘rish mumkin.
Zara va Mayk Tindollning Cheltnemdagi uyi
Tindollarning o‘ziga xos uslubdagi mehmonxonasini poldan shiftgacha uchta deraza bezab turganini ko‘rish mumkin. Shuningdek, kamin va dizaynerlik isi hisoblangan kichkina stol uy ko‘rkiga-ko‘rk qo‘shib turadi. Uy devorining ranglari ochligi va mebelning ham to‘q rangi tanlanmagani sabab mehmonxona yorug‘ va keng ko‘rinadi.
Niderlandiya qiroli Villem-Aleksandr va qirolicha Maksimaning Huis Ten Bosch saroyi
“Ko‘k mehmonxona” — qirollik oilasiga qarashli saroydagi eng ajoyib xonalardan biri. Tinchlantiruvchi ranglarning umumlashmasi, devorlardagi bezaklar, yumshoq stul va chetlari tilla rang bo‘lgan katta oyna xonani bir vaqtni o‘zida hashamatli va qulay bo‘lishiga xizmat qiladi.
Shvetsiya malikasi Viktoriya va shahzoda Daniyelning Xagadagi uyi
Shvetsiya malikasining uyidagi mehmonxonada qaymoq rang, jigarrang va kulrang umumlashmasini ko‘rish mumkin. Zamonaviy va qulay mebel, katta ko‘zgu, kamin va jurnal stoli uy dizaynidagi o‘ziga xoslik sanaladi.
Daniya qirolichasi Margrete II Fredensborgdagi koshonasi
Daniya monarxining shiftlari baland mehmonxonasidagi gul qog‘ozlar va moviy rangning mujassamligi o‘ziga xos dizaynni tashkil etadi. Devorlar suratlar, bilan bezalgani va yumshoq mebel tagida gul qog‘oz rangida gilam borligi e’tibordan chetda qolmaydi.
Shahzoda Uilyam va gersoginya Ketrinning Kensington saroyi
Fotosuratchi shahzoda Uilyam va gersoginya Ketrinning Kensington saroyidagi mehmonxonasini, 2016-yil ular Barak va Mishel Obamani qabul qilganida kadrga muhrlashga muvaffaq bo‘lgan. Och ranglardan foydalanilgan xona markazida gul qaymoq rang mebel borligi diqqatni jalb qiladi. Marmardan ishlangan kamin, yog‘ochdan ishlangan katta eshik va devorlarga osilgan suratlar mehmonxonani bezab turadi.
Yelizaveta II Bukingem saroyi
Bukingem saroyidagi “Oq” mehmonxonadan uncha katta bo‘lmagan yig‘ilishlarni o‘tkazishda foydalaniladi. Shuningdek, devorlarning oqligi, gilamning qizilligi va hashamatli mebellarning tilla rangligidan tashqari, katta ko‘zgu va qandil xonani darhaqiqat monarxlarga xos bezatilganidan dalolat beradi.
Gretsiya malikasi Mari-Shantalning Nyu-Yorkdagi uyi
Malika Mari-Shantalning Nyu-Yorkda joylashgan uyining mehmonxonasi zamonaviy va qulay ko‘rinadi. Qaymoq rang va kulrang umumlashgan mazkur xonaga dumaloq shakldagi ko‘zgu, katta oynalar geometrik printlar tushirilgan gilam noodatiylik bag‘ishlab turadi.
Norvegiya valiahdi Xokon va malika Mette-Maritning Skaugumdagi uyi
Norvegiya valiahdining mehmonxonasi kitoblar javonini o‘z ichiga olishi bilan boshqalarnikidan farq qiladi. O‘ziga xos dizayndagi qoplamasi bor jurnal stoli va marmardan ishlangan kamindan tashqari xonadagi qandil va devorga ilingan surat ham e’tiborni jalb qiladi.
Ispaniya qiroli Filipp VI va qirolicha Letitsiyaning Sarsueladagi saroyi
Ispaniya qiroli Filipp VI va qirolicha Letitsiyaning mehmonxonasi minimal uslubda bezatilgani bilan e’tiborga molik. Och va yorqin bo‘lmagan ranglardan foydalanilgan xonaga gilam to‘shalgani, yumshoq mebel borligi va devorga surat ilinganini ko‘rish mumkin.
Izoh (0)