Фақат Алек Болдуин эмас: инсонлар ўлимига сабаб бўлган машҳурлар (фото)

Турли сабабларга кўра бошқаларнинг ўлимига сабаб бўлган таниқли шахслар ҳақида маълумот бериб ўтамиз.

Винус Уильямс

2017 йил теннис юлдузи Винус Уильямс автоҳалокатга учраган. Ушбу бахтсиз ҳодиса оқибатда бир одам ҳалок бўлган. Спортчи Флорида штатидаги Палм-Бич-Гарденда кетаётган вақт бошқа машина билан урилган. Машинани бошқарган аёл тирик қолган, аммо унинг 78 яшар турмуш ўртоғи реанимацияга тушган. Орадан 2 ҳафта ўтиб вафот этган. Полиция ходимининг ҳисоботига кўра бахтсиз ҳодисага Винус Уильямс сабабчи бўлган.

Кейтлин Женнер

Кейтлин Женнер 2015 йил февралда Maлибуда автоҳалокатга учраган. Гувоҳларнинг айтишича, Кейтлиннинг машинасида оқ автомобиль орқасида кетаётган бўлган. Кейин эса қарама-қарши йўлга ўтиб кетган. Ундан кейин ортидан бошқа машина келиб урган. Оқ машинанинг ҳайдовчиси воқеа жойида ҳаётдан кўз юмган. Автоҳалокатда иштирок этган бошқа 7 нафар иштирокчи эса жароҳат орттириб олган. Кейтлиннинг ўзига эса ҳеч нима қилмаган.

Мэттью Бродерик

1987 йилда актёр ва унинг «Феррис Бюлларнинг дам олиш куни»даги ҳамкасби Женнифер Грэй Ирландияда ҳордиқ чиқараётган бўлган. Янглишиб кўчага кириб кетган Бродерик қарши томондан келаётган машинага урилиб кетган. Ундаги ҳайдовчи ва йўловчи орттирилган жароҳатлар туфайли ҳаётдан кўз юмган. Суднинг якуний хулосасига кўра Мэттью оқланган, аммо узоқ вақт давомида фожиа сабаб ўзини ёмон ҳис қилиб юрган.

Дон Кинг

Америкалик бокс промоутери Дон Кинг икки нафар одамнинг ҳаётдан кўз юмишига сабабчи бўлган. Биринчи ҳолатда ўзини ҳимоя қилиш учун босқинчига ўқ узган. Иккинчи сафар 600 доллар қарз олган спортчи Сем Герротни ўз қўллари билан бўғиб ўлдирган. Шундан кейин Дон Кинг 3 йил қамоқда ўтириб чиққан.

Сид Вишес

Инглиз панк-рок гуруҳи аъзоси Сид Вишес 1978 йил Нэнси Спанженни ўлдириб қўйган. Биринчи кўрсатмасида у меҳмонхона номерида уни ўлик ҳолда топганини маълум қилган. Кейинроқ эса қизга пичоқ қадагани, аммо уни ўлдирмоқчи бўлмаганини тан олган. Қотилликда айбланган Сид Вишес, наркотик моддани ҳаддан ортиқ қабул қилгани туфайли вафот этган.

Бренди

Хонанданинг Аватеф Абудихажни ҳаётдан кўз юмишига сабабчи бўлган автоҳалокатга алоқаси бўлган. Марҳумни Брендли қолиб бошқа авто урганига қарамай, гувоҳлар хонанда барча жавобгарликни ўз бўйнига олгани ва бир неча марта «Мен тўхташим керак эди», — деб таъкидлаганини маълум қилган.

Майкл Жейс

Актёр 2014 йил Лос-Анжелесда фарзандларининг кўз ўнгида рафиқаси Эйприл Жейсни ўлдирганликда айбланиб ҳибсга олинган. Маълум бўлишича, ўқ овозини эшитганидан кейин қўшнилар 911 рақамига қўнғироқ қилган. Майклнинг ўзи ҳам қотиллик ҳақида хабар бериш учун полицияга хабар берган. Жейснинг айтишича, ҳаммаси эр-хотин ўртасидаги низо сабаб келиб чиққан. Актёр рафиқасини унга хиёнат қилган деб ҳисоблаган. Ижодкор судда ўзини айбдор деб тан олмаган. 2016 йилда у 40 йиллик қамоқ жазосига маҳкум қилинган.

Алек Болдуин

Актёр Алек Болдуин «Занг» (Rust) фильмини суратга олиш майдончасида оператор Галин Хатчинс ва режиссёр Жоэл Соусга тасодифан ўқ узган. Ўқ узилган қурол реквизит сифатида ишлатилаётган бўлган. Оқибатда 42 яшар Хатчинс ва 48 ёшли Соус яраланган. Нью-Мексико университетининг шифохонасига вертолётда олиб борилган Хатчинс ҳаётдан кўз юмган. Тез ёрдам машинасида Санта-Федаги Кристус Сент-Винсент тиббиёт марказига юборилган Соуснинг эса аҳволи оғир экани аниқланган. Кейинчалик Алек Болдуин суратга олиш майдончасида юз берган ҳодиса ва операторнинг ўлими юзасидан изоҳ берган.