O‘zbekiston bosh prokurori Nig‘matilla Yo‘ldoshev ijtimoiy tarmoqlarda tarqalgan poytaxtdagi saylov uchastkalarining birida jurnalist va uchastka saylov komissiyasi raisi o‘rinbosari o‘rtasida yuzaga kelgan ziddiyatli video yuzasidan ma’lumot berdi, deb yozadi Markaziy saylov komissiyasi.
Ijtimoiy tarmoqlarda Mirobod tumanidagi 113-sonli saylov uchastkasida “Gazeta.uz” internet nashrining Abdullo Yodgorov ismli muxbiri hamda ushbu uchastka saylov komissiyasi raisi o‘rinbosari o‘rtasida yuzaga kelgan ziddiyatli vaziyat videosi tarqaldi. Kadrlardan ko‘rish mumkinki, uchastka mas’uli jurnalistdan uning saylov qutisiga yaqinlashmasligini so‘ragan. O‘z navbatida, jurnalist ham haq-huquqlarini bilishini, qutini tashqi tarafdan kuzatishiga to‘sqinlik qiluvchi biror norma yoki qoida yo‘qligini ta’kidlagan.
Nig‘matilla Yo‘ldoshevning so‘zlariga ko‘ra, ikkala tomon o‘zaro yarashib olgan.
Mirobod tumanidagi 113-sonli saylov uchastkasida ‘Gazeta.uz’ sayti muxbiri saylov qutisini ko‘zdan kechirib, tegingani uchun uchastka saylov komissiyasi raisi o‘rinbosari bilan yuzaga kelgan ziddiyatli holat haqidagi videoyozuv internet monitoringida aniqlandi. O‘rganish jarayonida bu ikkala tomon o‘zaro yarashib, tushunmovchilikni bartaraf etgan, hozirda o‘rganish ishlari davom etmoqda.Eslatib o‘tamiz, O‘zbekistonda 24-oktabr kuni prezident saylovi bo‘lib o‘tdi. Mamlakat bo‘ylab ochilgan 10 mingdan ortiq saylov uchastkalari soat 08:00 dan 20:00 ga qadar saylovchilarni qabul qildi. Markaziy saylov komissiyasi ma’lumotiga ko‘ra, saylovda jami ro‘yxatga olingan saylovchilarning 80,8 foizi ovoz berdi.Nig‘matilla Yo‘ldoshev, bosh prokuror
Prezident saylovining dastlabki natijalari 25-oktabr kuni soat 16:00 da e’lon qilinadi.
Mavzuga doir: Putin Shavkat Mirziyoyevni O‘zbekiston prezidenti saylovidagi ishonchli g‘alaba bilan tabrikladi
Izoh (0)