Rossiya prezidenti Vladimir Putin Shavkat Mirziyoyevni prezidentlik saylovidagi ishonchli g‘alabasi bilan tabrikladi. Bu haqda Kreml matbuot xizmati xabar berdi.
Muloqot chog‘ida davlat rahbarlari Rossiya—O‘zbekiston strategik sheriklik va ittifoqchilik munosabatlarining butun majmuasini har tomonlama rivojlantirishga o‘zaro moyilligini tasdiqlagan.
Rossiya prezidenti Shavkat Mirziyoyevga tabrik xati ham yo‘lladi.
Eslatib o‘tamiz, O‘zbekistonda 24-oktabr kuni prezident saylovi bo‘lib o‘tdi. Mamlakat bo‘ylab ochilgan 10 mingdan ortiq saylov uchastkalari soat 08:00 dan 20:00 ga qadar saylovchilarni qabul qildi. Markaziy saylov komissiyasi ma’lumotiga ko‘ra, saylovda jami ro‘yxatga olingan saylovchilarning 80,8 foizi ovoz berdi.
Prezident saylovining dastlabki natijalari 25-oktabr kuni soat 16:00 da e’lon qilinadi.
Izoh (0)