Ўзбекистон бош прокурори Ниғматилла Йўлдошев ижтимоий тармоқларда тарқалган пойтахтдаги сайлов участкаларининг бирида журналист ва участка сайлов комиссияси раиси ўринбосари ўртасида юзага келган зиддиятли видео юзасидан маълумот берди, деб ёзади Марказий сайлов комиссияси.
Ижтимоий тармоқларда Миробод туманидаги 113-сонли сайлов участкасида «Gazeta.uz» интернет нашрининг Абдулло Ёдгоров исмли мухбири ҳамда ушбу участка сайлов комиссияси раиси ўринбосари ўртасида юзага келган зиддиятли вазият видеоси тарқалди. Кадрлардан кўриш мумкинки, участка масъули журналистдан унинг сайлов қутисига яқинлашмаслигини сўраган. Ўз навбатида, журналист ҳам ҳақ-ҳуқуқларини билишини, қутини ташқи тарафдан кузатишига тўсқинлик қилувчи бирор норма ёки қоида йўқлигини таъкидлаган.
Ниғматилла Йўлдошевнинг сўзларига кўра, иккала томон ўзаро ярашиб олган.
Миробод туманидаги 113-сонли сайлов участкасида ‘Gazeta.uz’ сайти мухбири сайлов қутисини кўздан кечириб, тегингани учун участка сайлов комиссияси раиси ўринбосари билан юзага келган зиддиятли ҳолат ҳақидаги видеоёзув интернет мониторингида аниқланди. Ўрганиш жараёнида бу иккала томон ўзаро ярашиб, тушунмовчиликни бартараф этган, ҳозирда ўрганиш ишлари давом этмоқда.Эслатиб ўтамиз, Ўзбекистонда 24 октябрь куни президент сайлови бўлиб ўтди. Мамлакат бўйлаб очилган 10 мингдан ортиқ сайлов участкалари соат 08:00 дан 20:00 га қадар сайловчиларни қабул қилди. Марказий сайлов комиссияси маълумотига кўра, сайловда жами рўйхатга олинган сайловчиларнинг 80,8 фоизи овоз берди.Ниғматилла Йўлдошев, бош прокурор
Президент сайловининг дастлабки натижалари 25 октябрь куни соат 16:00 да эълон қилинади.
Мавзуга доир: Путин Шавкат Мирзиёевни Ўзбекистон президенти сайловидаги ишончли ғалаба билан табриклади
Изоҳ (0)