Semiz yenot Tyoma — TikTok’ning yangi yulduziga aylandi. U basseynda suzishni, poyezdda sayohat qilishni va polda sudralishni yaxshi ko‘radi

TikTok’da Tyoma laqabli yenotning akkaunti mashhurlikka erishmoqda, hozirda uning 1,4 milliondan ortiq obunachisi bor. Foydalanuvchilar hayvonning semizligi va uning odatlariga qiziqish bildirmoqda, deb xabar beradi Esquire.

Tyomaning TikTok sahifasiga MediaLeaks e’tibor qaratgan. Yenotning egalari hayvon basseynda suzayotgani, Rossiya bo‘ylab poyezdda safar qilayotgani, xonani tozalashi, sayr qilish va shunchaki uyda o‘rmalab yurgani tasvirlangan videolarni joylashtirib keladi.

https://www.instagram.com/p/CQYnmTyoOnQ/

Yaqinda Tyomaning vazni 20 kilogrammga yetgan va shu sababli uni diyetaga o‘tkazishga qaror qilingan. Hayvonning yegulik porsiyasi kamaytirilgan bo‘lishi mumkin, lekin so‘nggi videolarning birida yenot sport bilan shug‘ullanishni u qadar ham xohlamayotganini ko‘rish mumkin.

Avvalroq yonoqlarini shishirgan va norozilik bildirib do‘ng‘illagan Ben laqabli mushuk videosi internetda mashhurlikka erishgandi.