Yovvoyi hayvonlar mustaqil mavjudotlardir. Shunga qaramay, ular baxtsiz hodisalardan himoyalanmagan va vaqti-vaqti bilan odamlarning yordamiga muhtoj. Ammo bu o‘rmon aholisi uchun imkonsiz. Shunga qaramay, kichik jonzotlarga yordam berish uchun hamma narsani qilishga tayyor odamlar bor. Nikki Robinson va uning onasi Linda yovvoyi yenotlar bilan qanday ishlashi va Kichikqo‘l ismli sodiq yenot haqida ta’sirli hikoya bilan bo‘lishdi.
Nikki va uning onasi Linda Kanadada yashaydi, bu mamlakat ko‘p sonli yenotlari bilan mashhur, shuning uchun mo‘ynali do‘stlar bilan uchrashish bu yerda odatiy holga aylangan. Ona-bolaning ikkisi ham yovvoyi tabiatni o‘rganishga ishtiyoqi baland.
Ba’zi odamlar bu aqlli hayvonlarning yashash joylarida paydo bo‘lishini haqiqiy falokat deb biladi. Shuning uchun ko‘pchilik odatda ular odamlarning himoyasiga yoki g‘amxo‘rligiga muhtoj emas, deb o‘ylaydi, lekin aslida bu to‘g‘ri emas. Ba’zida ularini yo‘llarda yoki shaharlar o‘rtasida — yolg‘iz, himoyasiz va ojiz, ba’zan esa shikastlangan va yordamga muhtoj holda topishadi. Yaxshiyamki, bu kichkina hayvonlarni yoqimli deb o‘ylaydigan odamlar bor. Ular yenotlarga munosib uy va mehr berishga tayyor.
2017-yilda Nikki va Linda hayotida keyinchalik Kichikqo‘l deb nomlangan yenotcha paydo bo‘ldi. Ular yenotni qo‘rqib ketgan holda yo‘l chetidan topdi. Uni darhol o‘zlari bilan uyiga olib ketdi. Ona va bola uning qutqaruvchisi va himoyachisiga aylandi. Keyinchalik jonzot 5 oydan ko‘proq vaqtni ularning uyida o‘tkazdi.
Foto: AdMe
Bu yoqimtoy jonzot bir muncha vaqt ular oilasining a’zosiga aylandi. Nikki va Linda uni birinchi navbatda yuvintirdi, isitdi va ovqatlantirdi. Uni koridorda to‘liq xavfsiz saqlashga harakat qilishdi.
Yenot hali kichkina bo‘lishiga qaramay, bir kuni qutichadan chiqib uy egalaridan yashirinishga ham uringan. Linda va uning onasi hayvonni topishga urinishi muvaffaqiyatsizlikka uchradi, iti yordamida uni poyabzallar orasidan topishdi.
Foto: AdMe
Kichikqo‘l Linda va Nikkining uyidagi yagona hayvon emas edi. Ularning uyida qutqarilgan boshqa uy hayvonlari ham bor edi. Yenot bolasi o‘sha yili Linda qutqarib olgan it bilan birga o‘sdi. U uydagi boshqa hayvonlar bilan yaxshi munosabatda bo‘lgan, bu oilada tinchlik va o‘zaro tushunish hukm surishini yana bir bor isbotlaydi.
Ayollar ko‘p vaqtlarini jonzot bilan o‘tkazgan. Shunday qilib, ular yenotning tabiiy yashash joyiga qaytishiga va odamlarning yordamiga emas, balki o‘zi haqida g‘amxo‘rlik qilishiga ishonch hosil qildi.
Linda hikoya qahramonining asosiy qo‘riqchisi va himoyachisiga aylandi. Uning sog‘ayib ketishiga ishonch hosil qilish uchun uni quchog‘iga oldi. Balki, shuning uchun ham Kichikqo‘l mehribon ayol bilan mehr-muhabbatga asoslangan alohida munosabatlarga egadir. Hatto hozir yenot, yovvoyi tabiatga qaytganidan 4 yil o‘tib, vaqti-vaqti bilan o‘z oilasiga tashrif buyurib, ularga sevgisi va minnatdorligini bildiradi.
Foto: AdMe
U hali ham Linda bilan salomlashish, tizzasida o‘tirish, quchoqlashish va shunchaki u bilan bo‘lish uchun eshik oldiga keladi. Kichikqo‘l hikoyasi odamlarga hayvonlarni sevishni, ular esa bundan minnatdor bo‘lishni bilishini yana bir bor eslatadi. Yovvoyi deb hisoblangan hayvonlar esa sevgi, sog‘inch, xotira va mehrga qodir.
Mavzuga doir:
