Ўзбекистон ташқи ишлар вазири Абдулазиз Комилов 2021 йил 6 октябрь санасида Нидерландия Қироллигининг фавқулодда ва мухтор элчиси этиб тайинланган (қароргоҳи Москвада шаҳрида жойлашган) Хиллес Арно Бесхоор Плухни қабул қилди.
Элчининг ишонч ёрлиқларини қабул қилиб, вазир уни масъул лавозимга тайинлангани билан табриклади. Элчининг касбий тажрибаси ўзаро манфаатли соҳаларда Ўзбекистон ва Нидерландия муносабатларини янада мустаҳкамлашга хизмат қилишига умид билдирилди.
Суҳбат чоғида сиёсий мулоқотни, шу жумладан, Ўзбекистон—Европа Иттифоқи шаклидаги ҳамкорлик доирасида алоқаларни фаоллаштириш ҳамда парламентлараро, савдо-иқтисодий ва маданий-гуманитар муносабатларни кенгайтиришдан икки томон ҳам бирдай манфаатдорлиги қайд этилди.
Бундан аввал Абдулазиз Комилов Ватиканнинг Ўзбекистондаги янги элчисидан ишонч ёрлиқларини қабул қилиб олгани ҳамда Ўзбекистон элчиси «Толибон» томонидан тайинланган Афғонистон ташқи ишлар вазири билан учрашгани ҳақида хабар берилганди.
Изоҳ (0)