Навоий вилоятида содир бўлган йўл-транспорт ҳодисаси оқибатида бир туя ҳалок бўлди, Spark ва Damas автомобилларига шикаст етди, деб хабар беради ИИВ ЙҲХББ ахборот хизмати.
Маълум қилинишича, 2 октябрь куни соат 21:00 ларда вилоятнинг Навбаҳор тумани ҳудудидан ўтувчи 4Р-57 Қизилқум ҳалқа давлат аҳамиятига эга автомобиль йўлининг 31—32-километрлари оралиғида йўл транспорт ҳодисаси содир бўлган.
Маълумотларга кўра, ЙТҲнинг келиб чиқишига Навоийдан Нурота томон ҳаракатланиб келаётган Spark туяни уриб юбориб, қарама-қарши йўналишга чиқиб кетган ва Damas билан тўқнашган.
Ҳозирда мазкур ҳолат юзасидан қўшимча суриштирув ишлари олиб борилмоқда.
Аввалроқ Наманганда Cobalt йўл четидаги чуқурга тушиб кетиши оқибатида йўловчи ҳалок бўлгани, Қашқадарёда Damas ва ЙПХ автомобили тўқнашгани тўғрисида хабар берилганди.
Изоҳ (0)