Uchtepa tumani favqulodda vaziyatlar bo‘limi, tuman sanitariya-epidemiologik osoyishtalik va jamoat salomatligi xizmati va “Farhod” dehqon bozori ma’muriyati bilan hamkorlikda Botulizm va oziq-ovqat mahsulotlaridan ommaviy zaharlanishning oldini olish maqsadida profilaktik tadbir tashkil etildi.
4-oktabr kuni o‘tkazilgan tadbir davomida “Farhod” dehqon bozorida xonadonda tayyorlangan konservalangan tuzlama mahsulotlaridan 12 kilogrammi iste’molga yaroqsiz ekanligi aniqlanib, ulardan 10 kilogramm bodring tuzlamasi va 2 kilogramm konservalangan qalampir tuzlamasi yo‘q qilindi.
Botulizm va oziq-ovqat mahsulotlaridan zaharlanishlar bilan bog‘liq kasalliklarning oldini olish bo‘yicha “Farhod” dehqon bozoridagi sotuvchilar bilan targ‘ibot tadbiri ham tashkil etildi.
Bundan avval Xorazmda xonadonida 230 kg iste’molga yaroqsiz go‘sht saqlab kelgan fuqaro aniqlangani, Qashqadaryoda uyida eshaklarni so‘yib sotish bilan shug‘ullangan shaxsga sud hukmi o‘qilgani hamda Jizzaxda bir oilaning 3 nafar a’zosi konservadan zaharlangani haqida xabar berilgandi.
Izoh (0)