Namangan viloyati To‘raqo‘rg‘on tumanida Cobalt chuqurlikka tushib ketdi, deya xabar bermoqda viloyat IIB axborot xizmati.

Ma’lum qilinishicha, 2021-yil 16-sentabr kuni soat 15:00 larda To‘raqo‘rg‘on tumani “Shohidon” MFY ichki yo‘lida Namangan shahrida yashovchi, 1998-yilda tug‘ilgan fuqaro Namangan shahridagi MChJga tegishli bo‘lgan Cobalt rusumli avtomashinani yo‘l varaqasi bilan boshqarib borayotib, harakat xavfsizligini ta’minlay olmagan.

Shu tufayli yo‘lning chap tomoniga chiqib ketib, dala maydonidagi chuqurlikka tushib ketgan.

Oqibatda mashinada bo‘lgan yo‘lovchi og‘ir tan jarohati olib, shifoxonada vafot etgan.

Cobalt haydovchisi bosh miya yopiq shikasti, o‘ng chakka va bel sohalari ezilishi hamda avtomashinada bo‘lgan yo‘lovchilar – Yangiqo‘rg‘on tumanida yashovchi, 2007-yilda tug‘ilgan fuqaro bosh miya yopish shikasti, o‘ng chakka va bel sohalari ezilishi, Mingbuloq tumanida yashovchi, 2005-yilda tug‘ilgan fuqaro bosh miya yopish shikasti, chap qo‘l bilak suyagini ochiq sinishi va Namangan tumanida yashovchi, 2005-yilda tug‘ilgan fuqaro bosh miya yopiq shikasti, ko‘krak qafasi yopiq shikasti, peshona sohasi yumshoq to‘qimalarini lat yeyishi tashxisi bilan tan jarohati olishib, shifoxonaga yotqizilgan.

Ushbu holat bo‘yicha To‘raqo‘rg‘on tuman IIB huzuridagi TB tomonidan 2021-yil 16-sentabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish va undan foydalanish xavfsizligi qoidalarini buzish) bilan jinoyat ishi qo‘zg‘atilgan.