Futbol bo‘yicha Angliya Premyer Ligasining 7-turidan o‘rin olgan o‘yinlar 2-oktabr, shanba kuni bo‘lib o‘tdi.
“Manchester Yunayted” o‘z maydonida “Everton”ni mehmon qildi va 1:1 hisobidagi durangga imzo chekdi. Dastlab 43-daqiqada Antoni Marsyal hisobni ochdi. 65-daqiqada esa Endros Taunsend muvozanatni tiklab, “Everton”ni mag‘lubiyatdan qutqarib qoldi.
Ushbu natijadan keyin “Manchester Yunayted” 14 ochko bilan musobaqa jadvalida 2-o‘rinda bormoqda. “Everton”ning hisobida 14 ochko bor, jamoa 4-o‘rindan joy olgan.
“Chelsi” Londonda “Sauthempton” bilan bahs yuritdi. Birinchi bo‘limda “ko‘klar” Trevo Chalobaning goli evaziga hisobda oldinga chiqib oldi. Ikkinchi 45 daqiqalikda mehmonlar bunga Jeyms Uord-Prouzning penaltidan kiritgan goli bilan javob qaytardi. O‘yin tugashi arafasida “Chelsi” ketma-ket 2 ta gol urib, g‘alabani o‘z tomoniga og‘dirib oldi. Gollarga Timo Verner va Ben Chiluell mualliflik qildi.
G‘alabadan so‘ng Tomas Tuxel boshchiligidagi London jamoasining ochkolari 16 taga yetdi va peshqadamga aylandi. “Sauthempton” (4) esa so‘nggi o‘rinlarda bormoqda.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
APL
7-tur bahslari
2-oktabr, shanba
“Manchester Yunayted” – “Everton” 1:1
Gollar: 1:0 – 43 Marsyal, 1:1 – 65 Taunsend.“Manchester Yunayted” – De Xea, Uan-Bissaka, Varan, Lindelyof, Shou, Fred (Pogba, 70), Brunu Fernandesh, Maktomini, Kavani (Ronaldu, 57), Marsyal (Sancho, 57), Grinvud.
“Everton” – Pikford, Godfri, Kin, Mina, Din, Taunsend, Allan, Dukure, Grey (Dobbin, 90), Rondon, Gordon (Devis, 72).
Ogohlantirishlar: Grinvud (34), Dukure (76).
“Chelsi” – “Sauthempton” 3:1
Gollar: 1:0 – 9 Chaloba, 1:1 – 61, penalti Uord-Prouz, 2:1 – 84 Verner, 3:1 – 89 Chiluell.“Chelsi” – Mendi, Aspilikueta, Tiago Silva, Ryudiger, Chaloba, Chiluell, Kovachich (Jorjinyo, 73), Loftus-Chik (Barkli, 83), Lukaku, Verner, Hadson-Odoi (Maunt, 65).
“Sauthempton” – Makkarti, Livramento, Bednarek, Salisu, Uoker-Piters, Tella (Jenepo, 73), Romeu, Uord-Prouz, Redmond (Elyunussi, 87), Uolkott (Diallo, 46), Armstrong.
Ogohlantirishlar: Romeu (34), Tiago Silva (55), Salisu (90).
Chetlatish: Uord-Prouz (77).
Izoh (0)