Futbol bo‘yicha O‘zbekiston chempionatining 21-turidan o‘rin olgan ikki o‘yin 1-oktabr, juma kuni bo‘lib o‘tdi.
Amaldagi chempion “Paxtakor” “Qo‘qon-1912” maydoniga safar qildi. Dramatik tarzda o‘tgan o‘yinda umumiy hisobda 6 ta gol urildi. Birinchi bo‘limda mezbonlar Oybek Rustamov va Muhammadanas Hasanovning gollari evaziga hisobda oldinga chiqib oldi. Ikkinchi 45 daqiqalik avvalida “sherlar” ham ketma-ket 2 ta gol urib, muvozanatni tiklashga muvaffaq bo‘lgandi. Ammo qo‘qonliklar shundan so‘ng yana 2 ta gol urib, 4:2 hisobidagi g‘alabani rasmiylashtirdi.
G‘alabadan keyin “Qo‘qon-1912” 28 ochko bilan 8-o‘ringa ko‘tarildi. “Paxtakor” (51) esa mag‘lubiyatga qaramay peshqadamlikni saqlab turibdi.
“Lokomotiv” “Metallurg” maydoniga safar qilib, uchrashuvga qo‘shib berilgan daqiqalarda g‘alabani ilib ketdi. Dastlab 42-daqiqada Bekobod klubi 11 metrlik jarima zarbasidan kiritilgan gol evaziga hisobda oldinga chiqib oldi, ushbu vaziyatda Abdumavlon Abdujalilovga qo‘pollik uchun qizil kartochka ham ko‘rsatildi. Ikkinchi bo‘limda “temiryo‘lchilar” ham penaltidan kiritilgan gol evaziga hisobni tenglashtirdi. 90+1-daqiqaga kelib esa Azizbek Omonov “Lokomotiv”ga g‘alaba keltirgan golga mualliflik qildi.
Ushbu g‘alabadan keyin Toshkent klubining ochkolari 32 taga yetdi va 6-pog‘onaga ko‘tarildi. “Metallurg” esa 10-o‘rindan joy olgan.
Superliga
21-tur bahslari
1-oktabr, juma
“Qo‘qon-1912” — “Paxtakor” 4:2
Gollar: 1:0 – 9 Oybek Rustamov, 2:0 – 40 Muhammadanas Hasanov, 2:1 – 47 Shahzod Azmiddinov, 2:2 – 71 Hojimat Erkinov, 3:2 – 73 Yakuba Bamba, 4:2 – 76 Sardorbek Azimov.“Qo‘qon-1912”: 1. Muzaffar Abdullayev, 7.Asadbek Sobirjonov (13.Sardorbek Azimov 62), 8. Farhod Bekmurodov (20. Iqbol Malikjonov, 62), 10. Shohnazar Norbekov, 14.Avazxon Mamatxo‘jayev, 15.Oybek Rustamov, 22.Muhammadanas Hasanov (4.Ilhomjon Vahobov, 82), 23. Aleksandr Merzlyakov, 33.Ivan Yosovich, 91. Yakuba Bamba (11.Mo‘minjon Meliyev, 75), 70. Murod Xolmuhammedov.“Paxtakor”: 25. Eldor Suyunov, 3. Hojiakbar Alijonov (88.Shahzod Azmiddinov, 46), 5. Anzur Ismoilov, 7.Odil Hamrobekov, 9. Sherzod Temirov (11.Boyan Matich, 78), 10. Dragan Cheran, 17. Dostonbek Hamdamov, 18.Hojimat Erkinov (8.Azizbek Turg‘unboyev, 74), 23. Sherzod A’zamov (16.Marlen Chobanov, 43), 27.Sardor Sobirxo‘jayev (21.Abrorbek Ismoilov, 46), 34. Farrux Sayfiyev.
“Metallurg” — “Lokomotiv” 1:2
Gollar: 1:0 – 42, penalti Damir Temirov, 1:1 – 59, penalti Temurxo‘ja Abduxoliqov, 1:2 – 90+1 Azizbek Omonov.“Metallurg”: 99. Vladimir Vagin, 4.Odilbek Abdumajidov (48.Dilshod Rahmatullayev, 67), 8.Salamat Qutiboyev, 14.Abrorbek Toshqo‘ziyev (7.Ruslan Roziyev, 86), 15. Zohid Abdullayev (10.Shahzodbek Nurmatov, 64), 22.Shahzodbek G‘ofurbekov, 28.Stanislav Andreyev, 30.Ibrohim Ibragimov, 80.Farrux Ibrohimov (6.Xudoyshukur Sattorov, 86), 90.Abdurahmon Abdulhaqov (11.Ivan Nagayev, 86), 98.Damir Temirov.
“Lokomotiv”: 1.Abdumavlon Abdujalilov, 3. Islom Qobilov, 5. Kaxi Maxaradze, 7. Sadriddin Abdullayev (28.Shuhrat Muhammadiyev, 68), 11.Temurxo‘ja Abduxoliqov, 14. Azizbek Amonov, 17. Sanjar Qodirqulov, 21. G‘ulom Haydar G‘ulomov, 27. Islom Rashidxonov (35.Javohir Ilyosov, 41), 37.Sherzod Fayziyev, 77.Diyor Turopov.
Chetlatish: Abdumavlon Abdujalilov, 37 (“Lokomotiv”).
Izoh (0)