Turkiyada Beyxan Mutlu ismli 50 yoshli erkak do‘stlari bilan o‘rmonda ichkilik ichib o‘tirib, kutilmaganda chakalakzorga kirib ketgan, deb xabar beradi Esquire.
Mutluni mustaqil qidirib topa olmagan rafiqasi va tanishlari politsiyani yordam chaqirgan. Qidiruv ishlariga qutqaruv otryadi jalb etilgan. Qidiruv-qutqaruv operatsiyasi boshlanganidan ko‘p o‘tmay politsiyasiga mahalliy aholi yordamga kelgan va ular orasida Mutlu ham bo‘lgan.
Qidiruvlar bir necha soat — erkak qutqaruvchilar uning ismini aytib baqirayotganini eshitib qolmaguncha davom etgan. O‘shanda u “Kimni qidiryapmiz? Men shu yerdaman”, deya javob qaytargan.
Mutlu qanday qilib o‘rmondan chiqib olgani noma’lum, uning do‘stlari esa qutqaruv guruhiga Mutlu kelib qo‘shilganini sezmagan ham. Qidiruv ishlari yakunlangach, politsiya erkakni uyiga olib borgan.
Izoh (0)