Los-Anjeles sudi qo‘shiqchi Britni Spirs foydasiga uning otasini vasiylikdan chetlatish bo‘yicha qaror chiqardi, deb xabar beradi Esquire.
Shu orqali sudya qo‘shiqchining advokati da’vosini qanoatlantirgan. U hozirgi vaziyatni “nomaqbul” deb topgan va Jeyms Spirsni qo‘shiqchining foydasi uchun vasiylikdan chetlatgan.
Britni Spirsning menejeri Jodi Montgomeri uning vaqtincha vasiysi sifatida qoladi. Sud qo‘shiqchining moliyaviy masalalari bo‘yicha nazoratni buxgalter Jon Zabelga topshirgan. Noyabr oyida o‘tkaziladigan yana bir sud majlisida vasiylikning barcha holatlari bo‘yicha yakuniy qaror qabul qilinadi.
Qo‘shiqchining o‘zi sud eshituvida ishtirok etmagan. Sudning qaroridan so‘ng, Britni Instagram’dagi sahifasiga birinchi bor mustaqil samolyotda uchayotgani haqida post qoldirgan. “To‘qqizinchi osmonda!”, — deb yozadi Britni Spirs.
https://www.instagram.com/p/CUbMCJKsRbJ/
Eslatib o‘tamiz, Britni Spirs va uning otasi o‘rtasidagi sud jarayonlari bir necha yildan buyon davom etib keladi. Qo‘shiqchi 2008-yil ruhiy kasalxonaga tushganidan buyon otasining vasiyligidan qutulishga urinadi. Ayni vaqtda Jeymi qizining shaxsiy munosabatlaridan tortib moliyaviy ahvoligacha bo‘lgan hayotining barcha jabhalarini nazorat qiladi.
Avvalroq Netflix Britni Spirs haqidagi hujjatli filmning birinchi treylerini taqdim etgani to‘g‘risida xabar berilgandi.
Izoh (0)