FVV xodimlari Farg‘ona tumani Vodil qishlog‘ida oyog‘i quvurga qisilib qolgan bolaga yordam ko‘rsatdi. Bu haqda idora matbuot xizmati xabar berdi.
Ma’lum qilinishicha, 28-sentabr kuni soat 16:33 da tumanning Yaxshi niyat ko‘chasida joylashgan xonadonlardan birida istiqomat qiluvchi fuqaro 1,5 yoshli o‘yinqaroq bolakayning oyog‘i yomg‘ir suvlari uchun mo‘ljallangan suv quvuriga kirib, qisilib qolganini ma’lum qilib, uni qutqarishda amaliy yordam so‘ragan.
Shunga ko‘ra, viloyat FVB qutqaruv otryadi shaxsiy tarkibi voqea joyiga yetib borib, shifokorlar bilan hamkorlikda maxsus asbob-anjomlar yordamida 1,5 yoshli bolakayning oyog‘ini ehtiyotkorlik bilan quvurdan chiqarib olgan va sog‘-salomat holda ota-onasiga topshirgan.
Avvalroq Qarshidagi ko‘p qavatli uylarning birida qamalib qolgan 2 yoshli bola qutqarilgani, Olmazorda quduqqa tushib, ahvoli yomonlashgan ikki fuqaroga yordam ko‘rsatilgani to‘g‘risida xabar berilgandi.
Izoh (0)