ФВВ ходимлари Фарғона тумани Водил қишлоғида оёғи қувурга қисилиб қолган болага ёрдам кўрсатди. Бу ҳақда идора матбуот хизмати хабар берди.
Маълум қилинишича, 28 сентябрь куни соат 16:33 да туманнинг Яхши ният кўчасида жойлашган хонадонлардан бирида истиқомат қилувчи фуқаро 1,5 ёшли ўйинқароқ болакайнинг оёғи ёмғир сувлари учун мўлжалланган сув қувурига кириб, қисилиб қолганини маълум қилиб, уни қутқаришда амалий ёрдам сўраган.
Шунга кўра, вилоят ФВБ қутқарув отряди шахсий таркиби воқеа жойига етиб бориб, шифокорлар билан ҳамкорликда махсус асбоб-анжомлар ёрдамида 1,5 ёшли болакайнинг оёғини эҳтиёткорлик билан қувурдан чиқариб олган ва соғ-саломат ҳолда ота-онасига топширган.
Аввалроқ Қаршидаги кўп қаватли уйларнинг бирида қамалиб қолган 2 ёшли бола қутқарилгани, Олмазорда қудуққа тушиб, аҳволи ёмонлашган икки фуқарога ёрдам кўрсатилгани тўғрисида хабар берилганди.
Изоҳ (0)