Sviter, botfort va kuz mavsumida xarid qilish tavsiya etiladigan 8 ta kiyim (foto)

Kuz mavsumiga tayyorgarlik, albatta, unga mos kiyimlar xarid qilishdan boshlanadi. Xarid shu qadar ajoyib bo‘lishi kerakki, hattoki ob-havo ham kayfiyatga o‘z ta’sirini o‘tkaza olmasligi lozim. Quyida mavsum uchun kerak bo‘lgan kiyimlarni ro‘yxatingiz bilan taqqoslab ko‘rishingiz mumkin.

Sviter

Oversayz uslubidagi sviterlar ushbu mavsum uchun ayni muddao. Ayniqsa, “olma” yoki “to‘rtburchak” shakldagi qomat egalari uchun ajoyib tanlov. Lekin “nok” yoki “teskari uchburchak” qomatlilar bu kabi sviterlarni kiyishda biroz ehtiyot bo‘lishi lozim. Chunki keng bichimli sviter qomatdagi nuqsonlarni yanada bo‘rttirib yuborishi mumkin.

Katak yubka

Yubka sotib olishni istovchi xonimlar katak naqshlisini xarid qilgani ma’qul. Chunki ushbu uslub hozirda urfda. Qat-qat bichimida tikilgan yubkalar hammaga ham to‘g‘ri kelavermaydi, masalan, “qumsoat” hamda “to‘rtburchak” qomatlilarga bunday yubka kiyish tavsiya etilmaydi, chunki ularni semiz ko‘rsatishi mumkin.

Botfortlar 

Botfortlar hamisha urfda bo‘lib kelgan. Mazkur oyoq kiyim issiq bo‘lishi bilan birga, obrazga ham o‘zgacha ko‘rinish baxsh etadi. Botfortlarni har qanday qomatdagi ayollar kiyishi mumkin. Faqatgina uni bo‘yi baland ayollar xarid qilgani ma’qul. Chunki aksariyat bo‘yi kichik qizlar ushbu etik bilan tashqi ko‘rinishga putur yetkazadi. Botfort ko‘ylak, shim yubkalar bilan ham moslashaveradi.

Bomber

Bomber ham oversayz uslubidagi kiyim bo‘lib, ko‘proq sayr qilish va do‘stlar bilan uchrashuvga kiyiladi. Ushbu ustki kiyim ham qomat tanlamaydi va kiyilgandan so‘ng qulay harakatlanish mumkin.

Palto

Midi uzunlikdagi bu kabi paltolar ham tashqi ko‘rinishda alohida o‘rin tutadi. Bu kabi bichim ham qomat tanlamaydi va sovuq mavsum uchun ayni muddao.

Yumshoq nimchalar

Ushbu nimchalar mashina haydovchi yoki sport uslubida kiyinishni yaxshi ko‘radigan ayolar uchun mos. U issiq bo‘lishi bilan birga, qulay ham. Nimchalarni to‘ladan kelgan ayollar kiyishda biroz ehtiyot bo‘lishi kerak. Chunki hajman ham ular anchagina katta ko‘rinadi.

Rangli kolgotka

Allaqachon rangli kolgotkalar ayollar garderobidan joy olib ulgurgan. Kolgotkani faqatgina ko‘ylak uchun moslash yoki qora rangdagisini kiyish shart emas. Aksincha yorqin rangning obrazga qo‘shadigan hissasi mavjud.

Hajman yirik botinkalar

Qalin platformali oyoq kiyimlar ko‘p qirrali bo‘lib, har qanday ayol uchun mos keladi. Shuning uchun ular allaqachon garderobning asosiga aylangan.

Jinsi shim