Свитер, ботфорт ва куз мавсумида харид қилиш тавсия этиладиган 8 та кийим (фото)

Куз мавсумига тайёргарлик, албатта, унга мос кийимлар харид қилишдан бошланади. Харид шу қадар ажойиб бўлиши керакки, ҳаттоки об-ҳаво ҳам кайфиятга ўз таъсирини ўтказа олмаслиги лозим. Қуйида мавсум учун керак бўлган кийимларни рўйхатингиз билан таққослаб кўришингиз мумкин.

Свитер

Оверсайз услубидаги свитерлар ушбу мавсум учун айни муддао. Айниқса, «олма» ёки «тўртбурчак» шаклдаги қомат эгалари учун ажойиб танлов. Лекин «нок» ёки «тескари учбурчак» қоматлилар бу каби свитерларни кийишда бироз эҳтиёт бўлиши лозим. Чунки кенг бичимли свитер қоматдаги нуқсонларни янада бўрттириб юбориши мумкин.

Катак юбка

Юбка сотиб олишни истовчи хонимлар катак нақшлисини харид қилгани маъқул. Чунки ушбу услуб ҳозирда урфда. Қат-қат бичимида тикилган юбкалар ҳаммага ҳам тўғри келавермайди, масалан, «қумсоат» ҳамда «тўртбурчак» қоматлиларга бундай юбка кийиш тавсия этилмайди, чунки уларни семиз кўрсатиши мумкин.

Ботфортлар 

Ботфортлар ҳамиша урфда бўлиб келган. Мазкур оёқ кийим иссиқ бўлиши билан бирга, образга ҳам ўзгача кўриниш бахш этади. Ботфортларни ҳар қандай қоматдаги аёллар кийиши мумкин. Фақатгина уни бўйи баланд аёллар харид қилгани маъқул. Чунки аксарият бўйи кичик қизлар ушбу этик билан ташқи кўринишга путур етказади. Ботфорт кўйлак, шим юбкалар билан ҳам мослашаверади.

Бомбер

Бомбер ҳам оверсайз услубидаги кийим бўлиб, кўпроқ сайр қилиш ва дўстлар билан учрашувга кийилади. Ушбу устки кийим ҳам қомат танламайди ва кийилгандан сўнг қулай ҳаракатланиш мумкин.

Пальто

Миди узунликдаги бу каби пальтолар ҳам ташқи кўринишда алоҳида ўрин тутади. Бу каби бичим ҳам қомат танламайди ва совуқ мавсум учун айни муддао.

Юмшоқ нимчалар

Ушбу нимчалар машина ҳайдовчи ёки спорт услубида кийинишни яхши кўрадиган аёлар учун мос. У иссиқ бўлиши билан бирга, қулай ҳам. Нимчаларни тўладан келган аёллар кийишда бироз эҳтиёт бўлиши керак. Чунки ҳажман ҳам улар анчагина катта кўринади.

Рангли колготка

Аллақачон рангли колготкалар аёллар гардеробидан жой олиб улгурган. Колготкани фақатгина кўйлак учун мослаш ёки қора рангдагисини кийиш шарт эмас. Аксинча ёрқин рангнинг образга қўшадиган ҳиссаси мавжуд.

Ҳажман йирик ботинкалар

Қалин платформали оёқ кийимлар кўп қиррали бўлиб, ҳар қандай аёл учун мос келади. Шунинг учун улар аллақачон гардеробнинг асосига айланган.

Жинси шим