Hech qachon urfdan qolmaydigan dizaynerlik sumkalari (foto)

Agar yangi dizaynerlik sumkalariga qiziqsangiz, vaqt sinovidan o‘tadigan modellarni tavsiya qilamiz. Harper’s Bazaar Kazakhstan nashri yillar davomida o‘z ahamiyatini yo‘qotmaydigan ajoyib sumkalarni e’tiboringizga havola etadi.

Dior sumkasi

Dior’ning kitobsimon sumkalari tezda fransuz moda uyining eng mashhur modellaridan biriga aylandi. Bundan tashqari, ular kerakli narsalarni o‘zlari bilan olib yurishni yaxshi ko‘radiganlar uchun ayni muddao.

Chanel 2.55 sumkasi

Chanel sumkasi moda tarixidagi eng muhim aksessuarlardan biri hisoblanadi va buning sababini taxmin qilish qiyin emas. Agar siz hech qachon urfdan qolmaydigan ajoyib model qidirsangiz, bu sumka, albatta, siz uchun.

Louis Vuitton’ning NeoNoé chelaksimon charm sumkasi

Louis Vuittonning NéoNoé sumkasi — haqiqiy tarixga ega, u birinchi marta 1932-yilda shampan vinosini shohona tarzda tashish uchun yaratilgan. Keyinchalik sumka monogramma va ajoyib bezaklar bilan qayta ishlab chiqilib, vintaj klassikasining yorqin ko‘rinishiga keltirildi.

Hermes’ning Kelli vintaj sumkasi

Kelli — Hermes’ning eng mashhur modellaridan biri. Bu sumkalarni topish deyarli imkonsiz, bu esa xaridorlarning qiziqishini yanada kuchaytiradi.

Fendi’dan Baguette sumkasi

Fransuz noni nomi bilan atalgan ramziy sumka imkon qadar yangilandi va o‘zgartirildi.

Prada’dan Sidonie sumkasi

Sidoni g‘ayrioddiy siluyeti bilan Prada nafosatining yangi timsoliga aylandi.

Bottega Veneta’dan Pouch charm klatchi

Bottega Veneta Pouch sumkasi klatchlarni modaga qaytardi. Chiroyli burmali bu aksessuar har qanday kiyimni mukammal tarzda to‘ldiradi.

Burberry sumkasi

Burberry Horseferry yozuvi tushirilgan mazkur sumka odatiy ish kunlari uchun juda mos keladi.

Gucci Horsebit 1955 sumkasi

Horsebit 1955 sumkalari 2020-yilgi kruiz kolleksiyasi orqali yana urfga qaytdi. Italyan brendi bo‘lgan bu aksessuar hech qachon modadan chiqmasligiga aminmiz.

Marni’dan Crossbody sumkasi

Marni’ning elkaga osiladigan mazkur sumkasi ko‘p yillar davomida dolzarb bo‘lib kelgan va beqiyos klassik deb hisoblangani bejiz emas.

Celine sumkasi

Celine brendi yillar davomida o‘z egalarini quvontiradigan hashamatli aksessuarlari bilan mashhur.

Off-White’dan Twist Jitney sumkasi

Agar har kungi liboslaringizga mos tushuvchi sumka qidirsangiz, sizga Off-White’ning Twist Jitney sumkasiga e’tibor berishingizni maslahat beramiz.

Jil Sander Crossbody sumkasi

Jil Sander — yuqori sifatli va minimalizm timsoli bo‘lib, sumkalarini mukammal tarzda yaratadi.