Fransiyalik dorboz Natan Polan 18-sentabr, shanba kuni Parijda Eyfel minorasidan Shayo teatrigacha tortilgan 70 metr balandlikdagi arqondan yurib o‘tdi.
670 metrlik masofani dorboz xavfsizlik kamarlarini taqqan holda qariyb 30 daqiqada bosib o‘tdi. Tepada biroz shamol bo‘lib turganiga qaramay, Polan arqon ustida o‘zini bemalol his qildi. Tomoshani pastdan kuzatib turgan parijliklar va sayyohlar dorbozni bir necha marta olqishlarga ko‘mib tashladi.
19-sentabr, yakshanba kuni ham Polan Eyfel minorasidan Shayo teatrigacha yana bir marta yurib o‘tmoqchi. O‘z aksiyasini u Fransiyada 18—19-sentabr kunlari bo‘lib o‘tayotgan Yevropa merosi kunlariga bag‘ishladi.
2017-yilda Polan shahar chekkasida tortilgan arqonda 1 kilometr masofani bosib o‘tib, dunyo rekordini o‘rnatgan edi.
Izoh (0)