Foto: Moskvada pandemiyaga qarshi kurashgan shifokorlarga atab yodgorlik ochildi
Moskvada tibbiyot xodimlarining COVID-19 ga qarshi kurashdagi jasoratiga atalgan yodgorlik ochildi. U Sechenov universiteti hududida joylashgan. Poytaxtdagi yodgorlik va uning ochilish marosimi haqida “RBK” fotoreportaj tayyorladi.
Haykalda himoya niqobidagi shifokorlar tasvirlangan, ularning orqasida Yer shari borFoto: “RBK”
Haykal kompozitsiyasi bronzadan yasalgan. Muallif — Rossiya xalq rassomi, Rossiya Badiiy akademiyasi akademigi Salavat Sherbakov. Uning so‘nggi asarlari orasida Boroviskaya maydonidagi knyaz Vladimir haykali va Orujeyniy yo‘lagidagi binokor Mixail Kalashnikov haykali bor.Foto: “RBK”
Yodgorlikda koronavirus zarralari ham tasvirlanganFoto: “RBK”
Ochilish marosimida Rossiya sog‘liqni saqlash vaziri Mixail Murashko (chapda) va Moskva meri Sergey Sobyanin ishtirok etdiFoto: “RBK”
Rossiya Davlat dumasining ta’lim va fan qo‘mitasi raisi birinchi o‘rinbosari Gennadiy OnishenkoFoto: “RBK”
Bosh vazir o‘rinbosari, Koronavirusga qarshi kurash bo‘yicha federal tezkor shtab raisi Tatyana Golikova. Uning so‘zlariga ko‘ra, hozir qizil zonada 280 ming tibbiyot xodimi ishlamoqda.Foto: “RBK”
Sechenov universiteti rektori Pyotr GlibochkoFoto: “RBK”
Mart oyida Sankt-Peterburgdagi Karpovka daryosi bo‘yida COVID-19 pandemiyasi davrida vafot etgan tibbiyot xodimlarining xotirasiga bag‘ishlangan yodgorlik ochilgandi. U yerga “G‘amgin farishta” deb nomlangan bronza haykal o‘rnatilgan. Asar muallifi Sankt-Peterburg fuqarosi, rassom Roman Shustrov bo‘lib, u 2020-yil 14-mayda koronavirus oqibatida vafot etgan. Yodgorlikning ochilish marosimida haykaltaroshning bevasi Mariya Kasyanenko, Petrograd okrugi rahbari Ivan Gromov va Sankt-Peterburg gubernatori Aleksandr Beglov ishtirok etdi. Shu bilan birga ochilish marosimi yodgorlik tashabbuskorlarisiz, maxfiy tarzda o‘tkazilgan.
Izoh (0)