O‘zbekistonda 2021/2022-o‘quv yili uchun davlat oliy ta’lim muassasalariga tabaqalashtirilgan (super-kontrakt) to‘lov-kontrakt asosida o‘qishga qabul qilish bo‘yicha arizalar topshirishning so‘nggi muddati 2021-yil 1-oktabr kuni etib belgilandi. Bu haqda Oliy va o‘rta maxsus ta’limi vazirligi xabar qildi.
“Kirish imtihonlari natijalariga ko‘ra tabaqalashtirilgan (super-kontrakt) to‘lov-kontrakt asosida o‘qish istagida bo‘lgan abituriyentlardan joriy yilning 1-oktabriga qadar tegishli oliy ta’lim muassasalari qabul komissiyalariga ariza topshirishlari so‘raladi”, – deyiladi vazirlik xabarida.
Bundan avval O‘zbekiston OTMlarida yangi o‘quv yili uchun to‘lov-kontrakt miqdorlari e’lon qilingani, O‘zbekiston OTMlarida kontrakt miqdori oshgani haqidagi xabarlar yuzasidan munosabat bildirilgani hamda O‘zbekistonda talabalar uchun Prezident davlat stipendiyasi kvotasi oshirilgani haqida xabar berilgandi.
Izoh (0)