Futbol bo‘yicha Yevropa Chempionlar Ligasining 1-turidan o‘rin olgan qator uchrashuvlar 15-sentabr, chorshanba kuni bo‘lib o‘tdi.
“Real” “Inter” maydoniga safar qildi. O‘yinning asosiy qismida darvozalarga gol urilmadi. Faqatgina 89-daqiqaga kelib, Rodrigo “Real”ning kombinatsiyasini golga aylantirib, jamoasiga g‘alaba keltirdi.
“PSJ” ham musobaqani safarda boshladi. Parijliklar “Bryugge” maydonida mehmon bo‘ldi va 1:1 hisobidagi durangga imzo chekdi. Mehmonlar safida Ander Errer o‘z nomiga gol yozdirib qo‘ygan bo‘lsa, Hans Vanaken Belgiya klubini mag‘lubiyatdan qutqarib qoldi.
“Manchester Siti” umumiy hisobda 9 ta gol urilgan o‘yinda “Leypsig”ni taslim qildi. “Shaharliklar”ning gollariga Natan Ake, Riyad Mahrez, Jek Grilish, Joau Kanselu va Gabriel Jezus mualliflik qildi, yana bir vaziyatda Nordi Mukiyele o‘z darvozasiga gol urib qo‘ydi. Kristofer Nkunku esa nemis klubining barcha javob gollarini urib, het-trik qayd etdi.
“Liverpul” uzoq tanaffusdan so‘ng Chempionlar Ligasiga qaytgan “Milan”ni o‘z maydonida qabul qilib, bazo‘r g‘alaba qozondi. Dastlab o‘yin avvalida Fikayo Tomori o‘z darvozasiga gol urib, hisob ochilishiga sabab bo‘ldi, shundan so‘ng milanliklar Ante Rebich va Braim Diasning gollari evaziga ustunlikka ega bo‘lgandi. Biroq ikkinchi bo‘limda “Liverpul” Muhammad Saloh va Jordan Hendersonning gollari orqali g‘alabani o‘z tomoniga og‘dirib oldi.
YChL
1-tur bahslari
15-sentabr, chorshanba
“Inter” – “Real M” 0:1
Gol: 0:1 – 89 Rodrigo.“Inter” – Handanovich, Shkrinyar, de Vrey, Bastoni, Darmian (Dumfris, 55), Barella (Vesino, 84), Brozovich, Chalxono‘g‘lu (Vidal, 65), Perishich (Dimarko, 55), Jeko, Martines (Korrea, 65).
“Real Madrid” – Kurtua, Karvaxal, Militao, Alaba, Nacho, Valverde, Kazemiro, Modrich (Kamavinga, 80), Benzema, Vinisius Junior (Asensio, 90), Vaskes (Rodrigo, 65).
Ogohlantirishlar: Martines (45), Alaba (60).
“Bryugge” – “PSJ” 1:1
Gollar: 0:1 – 15 Errera, 1:1 – 27 Vanaken.“Bryugge” – Minyole, Mata, Hendri, Nsoki, Sobol, Soua (Mauassa, 90), Rits, Balanta, Vanaken, Lang, de Ketelare.
“PSJ” – Navas, Hakimi, Markinyos, Kimpembe, Diallo (Mendesh, 75), Errera, Paredes (Danilu Pereyra, 46), Veynaldum (Draksler, 46), Messi, Mbappe (Ikardi, 51), Neymar.
Ogohlantirishlar: Paredes (12), Lang (62), Messi (72), Balanta (76).
“Manchester Siti” – “Leypsig” 6:3
Gollar: 1:0 – 16 Ake, 2:0 – 28, avtogol Mukiyele, 2:1 – 42 Nkunku, 3:1 – 45, penalti Marez, 3:2 – 51 Nkunku, 4:2 – 56 Grilish, 4:3 – 73 Nkunku, 5:3 – 75 Joau Kanselu, 6:3 – 85 Gabriel Jezus.“Manchester Siti” – Ederson, Joau Kanselu, Ruben Diash, Ake, Zinchenko, de Bryuyne (Foden, 71), Rodri (Fernandinyo, 59), Bernardu Silva (Gundo‘g‘an, 59), Marez, Ferran Torres (Sterling, 72), Grilish (Gabriel Jezus, 81).
“Leypsig” – Gulachi, Mukiyele, Klostermann, Orban, Anxelinyo, Nkunku (Gvardiol, 81), Olmo (Brobbi, 72), Forsberg (Soboslai, 61), Adams, Laymer (Aydara, 60), Andre Silva (Poulsen, 60).
Ogohlantirishlar: Zinchenko (12), Klostermann (45), Adams (49), Anxelinyo (58).
Chetlatish: Anxelinyo (79).
“Liverpul” – “Milan” 3:2
Gollar: 1:0 – 9, avtogol Tomori, 1:1 – 42 Rebich, 1:2 – 44 Braim Dias, 2:2 – 48 Saloh, 3:2 – 69 Henderson.“Liverpul” – Alisson, Aleksander-Arnold, Matip, Gomes, Robertson, Henderson (Milner, 84), Fabinyo, Keyta (Tiago Alkantara, 71), Saloh (Oksleyd-Chemberlen, 84), Origi (Mane, 63), Diogu Jota (Jons, 71).
“Milan” – Menyan, Kalabriya, Kyer, Tomori, Ernandes, Braim Dias, Rafael Leau (Jiru, 62), Salemakers (Florensi, 62), Bennaser (Tonali, 71), Kessie, Rebich (Maldini, 83).
Ogohlantirishlar: Bennaser (13), Braim Dias (61), Milner (90).
Izoh (0)