Ижтимоий тармоқларда «Андижонда яна аёл ҳақоратланди» сарлавҳали аудиохабар тарқалган. Ҳолат бўйича Меҳнат вазирлиги муносабат билдирди.
Қайд этилишича, овозли хабардаги ҳолат юзасидан ўрганиш ишлари олиб борилган.
Аниқланишича, аудиодаги овоз Андижон вилояти Бандлик бош бошқармаси бошлиғи А.М.га эмас, балки вилоят Бандлик бош бошқармаси Давлат меҳнат инспекцияси бошлиғи Ф.М.га тегишли экани маълум бўлган.
Ўрганиш натижаларига кўра, Андижон шаҳар Аҳоли бандлигига кўмаклашиш марказининг собиқ ходимаси Х.Ж. билан тузилган меҳнат шартномаси Ўзбекистон Президентининг 2021 йил 3 апрелдаги ПҚ-5053-сонли «Давлат ҳокимияти ва бошқаруви органларининг тузилмасини мақбуллаштириш ва штат бирликлари сонини қисқартириш тўғрисида»ги қарори талаблари асосида Меҳнат кодексининг 100-моддаси 2-қисми 1-бандига асосан 2021 йил 4 июль кунидан бекор қилинган.
Маълум қилинишича, Андижон вилоят Бандлик бош бошқармаси Давлат меҳнат инспекцияси бошлиғи Ф.М. унинг ноқонуний хатти-ҳаракатларини тўхтатмоқчи бўлган вақтида низо келиб чиққан.
Ушбу низоли ҳолат юзасидан шу куннинг ўзида тегишли равишда далолатнома расмийлаштирилиб, ҳуқуқий баҳо беришлик учун Андижон шаҳар ИИБга ариза билан мурожаат қилинган ҳамда ҳолат юзасидан ҳозирда Андижон шаҳар ИИБ томонидан суриштирув ҳаракатлари олиб борилмоқда.
Мавзуга доир:
- Риштон тумани тиббиёт бирлашмаси бошлиғи журналистга таҳдид қилган аудиоси тарқалди. Ҳолат ССВ назоратига олинди
- Чироқчида профилактика инспекторининг хизмат кийимини тортиб йиртиб, унга тан жароҳати етказган шахсга жиноят иши қўзғатилди
- Интернетда ЙПХ ходимларини гадойларга тенглаштириб, уларни ҳақорат қилган шахс 12 млн сўм жаримага тортилди
Изоҳ (0)