Dunyo va o‘zbek sportiga oid 8-sentabr kunining eng muhim xabarlari dayjesti bilan tanishing.
O‘zbekiston
Rossiyaning Qozon shahrida MDH o‘yinlari bo‘lib o‘tmoqda. 8-sentabr kungi musobaqalarda O‘zbekiston Bel olish va Uch kurash assotsiatsiyasi nomidan 10 nafar sportchi Tataristonning milliy sport turi — koresh bo‘yicha bahslarda ishtirok etdi.
Bellashuvlarda qatnashgan 10 nafar terma jamoa a’zolaridan 4 nafari kumush va 5 nafari bronza medalini qo‘lga kiritdi hamda umumjamoa hisobida 3-o‘rinni egalladi.
Jahon
FIFA 2022-yilgi Jahon Chempionati saralashidan o‘rin olgan Braziliya — Argentina o‘yini karantin qoidalari sababli to‘xtatilgani yuzasidan intizomiy ish ochilganini e’lon qildi.Eslatib o‘tamiz, Braziliya politsiyasi 5-sentabr kungi o‘yinda Argentina safida harakat qilayotgan 4 futbolchi — Emiliano Martines, Emiliano Buendia (ikkisi “Aston Villa”), Jovanni lo Chelso va Kristian Romeroni (ikkisi “Tottenhem”) maydondan olib chiqib ketmoqchi bo‘lgandi. Uchrashuv hakami o‘yinni to‘xtatib turishga qaror qildi va jamoalar maydonga qaytib tushmadi.
Braziliya sog‘liqni nazorat qilish tashkiloti (Anvisa) qaroriga ko‘ra, mamlakatda Buyuk Britaniyadan kelgan fuqarolar uchun 14 kunlik karantin joriy qilingan. Anvisa’ning qayd etishicha, yuqorida ismlari keltirilgan futbolchilar hukumatni Buyuk Britaniyaga yaqin orada bormagani haqidagi soxta hujjat bilan aldashga uringan.
Oksford universiteti matematigi Tom Krouford futbolchilarning salohiyatini solishtirish formulasini ishlab chiqdi, deb yozadi Daily Mail.
Olim futbolchilarning klub va terma jamoalardagi yutuqlarini hisobga oladigan 7 ta kriteriyadan iborat bo‘lgan o‘ziga xos algoritmdan foydalanib, turli davr futbolchilarining ko‘rsatkichlarini taqqosladi.
Unga ko‘ra, birinchi o‘rinni “Manchester Yunayted” hujumchisi Krishtianu Ronaldu egalladi. U bu yo‘lda “PSJ” hujumchisi Lionel Messi, Pele, Ferens Pushkas, Alfredo di Stefano, Diego Maradona va boshqalarni ortda qoldirdi.
“Real” Eduardo Kamavingani rasman o‘z o‘yinchisi sifatida tanishtirdi.
“Renn”dan xarid qilingan 18 yoshli yarim himoyachi “qirollik klubi”da 25-raqam ostida harakat qiladi. Tomonlar o‘rtasidagi shartnoma 2027-yilgacha amal qiladi.
“Atletiko M” ham jamoaga qaytgan Antuan Grizmanni tanishtirdi.
Tanishtiruv “Vanda Metropolitano”da (“Atletiko”ning uy stadioni) bo‘lib o‘tdi, unda klub prezidenti Enrike Sereso fransiyalik hujumchiga 8-raqamli futbolkani taqdim etdi.
“Chelsi” hujumchisi Timo Vernerning klubdagi bir yillik maoshi 20 million yevroni tashkil qiladi, deb yozmoqda Sport Bild jurnalisti Kristiana Falka.
Germaniyalik futbolchi 2020-yildan beri “aristokratlar” safida to‘p surib keladi. Bu vaqt ichida u APLda 37 o‘yin o‘tkazib, 6 ta gol va 8 ta golli uzatmani amalga oshirdi.
Izoh (0)