Dunyo va o‘zbek sportiga oid 7-sentabr kunining eng muhim xabarlari dayjesti bilan tanishing.
O‘zbekiston
Rossiyaning Qozon shahrida MDH o‘yinlari bo‘lib o‘tmoqda. 7-sentabr kungi musobaqalarda o‘zbekistonlik sambochilar umumiy hisobda 12 ta medalga ega chiqdi.Shu tariqa O‘zbekiston delegatsiyasining musobaqadagi medallari soni 57 taga (16 ta oltin, 23 ta kumush va 18 ta bronza) yetdi. O‘zbekiston umumiy ro‘yxatda mezbon Rossiyadan keyin ikkinchi pog‘onani band etib turibdi.
Professional futbol ligasi Superliganing avgust oyidagi eng yaxshilarini aniqladi.
“Bunyodkor” bosh murabbiyi Shuhrat Maqsudov (3 o‘yin, 2 g‘alaba, 1 durang) oyning eng yaxshi murabbiyi deb topilgan bo‘lsa, jamoa yarim himoyachisi Farrux Ikromov (3 o‘yin, 3 gol, 1 assist) avgust oyida tengsiz bo‘ldi.
Oyning eng chiroyli goli sovrini esa “Turon” hujumchisi Bilolxon Toshmirzayevga nasib etdi.Jahon
Hujumchi Krishtianu Ronaldu “Manchester Yunayted”ga qaytganidan so‘ng klub safidagi ilk mashg‘ulotini o‘tkazdi va jamoa bosh murabbiyi Ole-Gunnar Sulsher bilan uchrashdi.
Qayd etish kerak, 36 yoshli portugaliyalik futbolchi JCh—2022 saralash bosqichida Ozarbayjonga qarshi o‘yin oldidan diskvalifikatsiya qilingani uchun terma jamoa lagerini erta tark etgan va Manchesterga qaytgandi.
FIFA klublar 2021-yil yozgi transfer oynasida qancha pul sarflaganini e’lon qildi.
Qayd etilishicha, 2021-yilning iyunidan avgustgacha umumiy hisobda 7481 ta transfer amalga oshirildi. O‘tgan yili esa bu ko‘rsatkich 7771 tani tashkil qilgan. Transferlar uchun 3,72 milliard dollar sarflangan. Bu 2020-yilga (4,02 mlrd) nisbatan 7,5 foizga kamroq deganidir.
Tashkilot klublarning yozgi transferlar oynasidagi daromad va xarajatlari haqida ham ma’lumot berdi.
1. Angliya – 1,147 mlrd dollar;
2. Italiya – 473,8 mln dollar;
3. Fransiya – 428,9 mln dollar;
4. Germaniya – 337,9 mln dollar;
5. Ispaniya – 325,4 mln dollar;
6. Belgiya – 120,7 mln dollar;
7. Rossiya – 84,9 mln dollar;
8. Portugaliya – 75,4 mln dollar;
9. Turkiya – 73,3 mln dollar;
10. Niderlandiya – 53,6 mln dollar.
1. Germaniya – 462,7 mln dollar;
2. Fransiya – 457,3 mln dollar;
3. Angliya – 409,8 mln dollar;
4. Italiya – 408,2 mln dollar;
5. Ispaniya – 260,2 mln dollar;
6. Niderlandiya – 196 mln dollar;
7. Braziliya – 173 mln dollar;
8. Belgiya – 151,2 mln dollar;
9. Portugaliya – 135,9 mln dollar;
10. Daniya – 113,3 mln dollar.
Avvalroq uning sog‘lig‘i yomonlashgani va bir necha kundan kasalxonada ekanligi haqida xabarlar tarqalgandi.
Argentina terma jamoasi Braziliyaga qarshi o‘yinda karantin qoidalarini buzgan 4 nafar futbolchisini klub tasarrufiga qaytarilganini ma’lum qildi.
Emiliano Martines, Emiliano Buendia (ikkalisi ham “Aston Villa”), Jovani Lo Chelso va Kristian Romero (ikkalasi ham “Tottenhem”) Angliyaga jo‘natilgan.
Eslatib o‘tamiz, avvalroq to‘rt futbolchi karantin qoidalarini buzganlikda ayblangandi, bu esa JCh—2022 saralashidagi Braziliya va Argentina o‘rtasidagi o‘yinning to‘xtalishiga sabab bo‘lgandi.
Braziliya sog‘liqni nazorat qilish tashkiloti (Anvisa) qaroriga ko‘ra mamlakatda Buyuk Britaniyadan kelgan fuqarolar uchun 14 kunlik karantin joriy qilingan. Anvisa’ning qayd etishicha, yuqorida ismlari keltirilgan futbolchilar hukumatni Buyuk Britaniyaga yaqin orada bormagani haqidagi soxta hujjat bilan aldashga uringan. Shu sabab tashkilot ularni mamlakatdan deport qilib yubormoqchi bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)