Ҳеч қачон урфдан қолмайдиган дизайнерлик сумкалари (фото)

Агар янги дизайнерлик сумкаларига қизиқсангиз, вақт синовидан ўтадиган моделларни тавсия қиламиз. Harper’s Bazaar Kazakhstan нашри йиллар давомида ўз аҳамиятини йўқотмайдиган ажойиб сумкаларни эътиборингизга ҳавола этади.

Dior сумкаси

Dior’нинг китобсимон сумкалари тезда француз мода уйининг энг машҳур моделларидан бирига айланди. Бундан ташқари, улар керакли нарсаларни ўзлари билан олиб юришни яхши кўрадиганлар учун айни муддао.

Chanel 2.55 сумкаси

Chanel сумкаси мода тарихидаги энг муҳим аксессуарлардан бири ҳисобланади ва бунинг сабабини тахмин қилиш қийин эмас. Агар сиз ҳеч қачон урфдан қолмайдиган ажойиб модель қидирсангиз, бу сумка, албатта, сиз учун.

Louis Vuitton’нинг NeoNoé челаксимон чарм сумкаси

Louis Vuittonнинг NeoNoé сумкаси — ҳақиқий тарихга эга, у биринчи марта 1932 йилда шампан виносини шоҳона тарзда ташиш учун яратилган. Кейинчалик сумка монограмма ва ажойиб безаклар билан қайта ишлаб чиқилиб, винтаж классикасининг ёрқин кўринишига келтирилди.

Hermes’нинг Kelli винтаж сумкаси

Kelli — Hermes’нинг энг машҳур моделларидан бири. Бу сумкаларни топиш деярли имконсиз, бу эса харидорларнинг қизиқишини янада кучайтиради.

Fendi’дан Baguette сумкаси

Француз нони номи билан аталган рамзий сумка имкон қадар янгиланди ва ўзгартирилди.

Prada’дан Sidonie сумкаси

Сидони ғайриоддий силуети билан Prada нафосатининг янги тимсолига айланди.

Bottega Veneta’дан Pouch чарм клатчи

Bottega Veneta Pouch сумкаси клатчларни модага қайтарди. Чиройли бурмали бу аксессуар ҳар қандай кийимни мукаммал тарзда тўлдиради.

Burberry сумкаси

Burberry Horseferry ёзуви туширилган мазкур сумка одатий иш кунлари учун жуда мос келади.

Gucci Horsebit 1955 сумкаси

Horsebit 1955 сумкалари 2020 йилги круиз коллекцияси орқали яна урфга қайтди. Итальян бренди бўлган бу аксессуар ҳеч қачон модадан чиқмаслигига аминмиз.

Marni’дан Crossbody сумкаси

Marni’нинг элкага осиладиган мазкур сумкаси кўп йиллар давомида долзарб бўлиб келган ва беқиёс классик деб ҳисоблангани бежиз эмас.

Celine сумкаси

Celine бренди йиллар давомида ўз эгаларини қувонтирадиган ҳашаматли аксессуарлари билан машҳур.

Off-White’дан Twist Jitney сумкаси

Агар ҳар кунги либосларингизга мос тушувчи сумка қидирсангиз, сизга Off-White’нинг Twist Jitney сумкасига эътибор беришингизни маслаҳат берамиз.

Jil Sander Crossbody сумкаси

Jil Sander — юқори сифатли ва минимализм тимсоли бўлиб, сумкаларини мукаммал тарзда яратади.