Ижтимоий тармоқда «Новза» масжиди олдида жума намозига келганлар жаримага тортилаётгани айтилган видео тарқалди. Унда планшет ушлаган ЙПХ ходими йўлда тўхтатилган автомобиллар рақамларини суратга олаётганини кўриш мумкин. ЙҲХББ ушбу ҳолатга ойдинлик киритди.
Унда айтилишича, йўл ҳаракати қоидаларига кўра, транспорт воситаларини йўлнинг қатнов қисмида бир қатор қилиб, қатнов қисми четига параллел равишда кажаваси бўлмаган икки ғилдиракли транспорт воситаларини икки қатор қилиб қўйишга рухсат этилади.
3 сентябрь куни Тошкент шаҳар, Чилонзор тумани ҳудудида жойлашган «Новза» масжидига жума намозига келган айрим фуқаролар бошқарувида бўлган автомобилни Бунёдкор шоҳкўчасига қатнов қисми четига параллел равишда 3 қатор тарзда қўйиб, ўзлари масжидга кирган.
Мазкур масжид атрофида ҳаракат хавфсизлигини таъминлаш мақсадида хизматга жалб этилган ходимлар 3-қаторга қўйилган автомобилларни суратга олиб, профилактика учун, ҳайдовчи мазкур қоидабузарликни доимий такрорламаслиги учун, огоҳлантириш сифатида тушунтиришлар берган.
ЙПХ ходими вазиятни инобатга олиб қоидабузарликлар учун баённома расмийлаштирмаган.
Мавзуга доир:
- Автомобильини Ўзбекистон байроғи рангларида бўяган ҳайдовчилар жаримага тортилмасдан, огоҳлантириш берилди
- Тошкентдаги устунлардан байроқларни ечиб олган фуқаролар маъмурий жавобгарликка тортилиши мумкин
- Тошкентда ҳайдовчи аёл маст ҳолда деб гумон қилгани учун машина бошқаришга йўл қўймаган ЙПХ ходимини ҳақоратлади
- Тошкент вилоятида радар ўрнатилган машинада фаолият олиб бораётган ЙПХ ходимига тўсқинлик қилган шахс 15 суткага қамалди
Изоҳ (0)