O‘zbekiston Prezidenti Shavkat Mirziyoyevning Belarus prezidenti Aleksandr Lukashenko bilan telefon orqali muloqoti bo‘lib o‘tdi.
Suhbat avvalida Belarus yetakchisi O‘zbekiston Prezidenti va ko‘p millatli xalqini mamlakat mustaqilligining 30 yilligi bilan samimiy muborakbod etdi.
Davlat rahbari, o‘z navbatida, Belarus prezidentini tavallud kuni bilan dildan qutlab, unga mustahkam sog‘liq, baxt-saodat va katta muvaffaqiyatlar tiladi.
Ko‘p qirrali O‘zbekiston—Belarus hamkorligini yanada rivojlantirishning dolzarb masalalari muhokama qilindi. Tovar ayirboshlash ko‘rsatkichlari yuqori sur’at bilan ortib borayotgani, ikki mamlakat yetakchi korxona va kompaniyalari, ta’lim muassasalari o‘rtasida muvaffaqiyatli kooperatsiya amalga oshirilayotgani mamnuniyat bilan qayd etildi.
Bo‘lajak oliy darajadagi tadbirlar rejasi, shu jumladan, Belarus tomoni raisligidagi MDH sammitiga tayyorgarlik ko‘rish masalalari ko‘rib chiqildi.
Mavzuga doir:
- Yevropa kengashi rahbari Sharl Mishel O‘zbekiston Prezidenti va xalqini mamlakat mustaqilligining 30 yilligi bilan tabrikladi
- Shavkat Mirziyoyev Kobuldagi portlashda AQSh harbiylari vafot etgani munosabati bilan Jo Baydenga taziya bildirdi
- Shavkat Mirziyoyev Qosim-Jo‘mart To‘qayevga Jambil viloyatida yuz bergan portlash munosabati bilan hamdardlik bildirdi
Izoh (0)