Toshkent viloyati Zangiota tumanida radar o‘rnatilgan maxsus mashinada xizmati qilayotgan YPX xodimi faoliyatiga xalaqit qilgan haydovchi jazolandi. Bu haqda “Zamon” xabar qilmoqda.
Qayd etilishicha, Toshkent viloyati ichki ishlar bosh boshqarmasi yo‘l harakati xavfsizligi boshqarmasi tasarrufida bo‘lgan tezlikni o‘lchash uskunalari o‘rnatilgan maxsus transport vositalaridan biri M39 xalqaro avtomobil yo‘lining Zangiota tumani hududidan o‘tgan qismida ish olib borayotgan bo‘lgan. Shu yerdan o‘tib ketayotgan haydovchi M.R. o‘z shaxsiy Cobalt mashinasini to‘g‘ri uning oldida to‘xtatib, ushbu holatni qo‘l telefoniga tasvirga ola boshlaydi.
Yo‘l-patrul xizmati inspektori undan ishga xalaqit bermaslikni so‘raydi. Ammo u qaysarlik qilib, talabni bajarmaydi. Shundan so‘ng inspektor ichki ishlar boshqarmasidan yordamchi kuch chaqiradi. Ular haydovchini ichki ishlar idorasiga olib ketadi. Kerakli hujjatlarni tayyorlab, ishni sudga chiqaradi.
Jinoyat ishlari bo‘yicha Zangiota tuman sudida to‘plangan hujjatlar, guvohlar ko‘rsatmalari atroflicha o‘rganilib, Muzaffar Rahmonovga Ma’muriy javobgarlik to‘g‘risidagi kodeksining 183-moddasi (mayda bezorilik) bilan 15 sutka ma’muriy qamoq jazosi tayinlandi. Bazaviy hisoblashning bir baravari, ya’ni 245 ming so‘m miqdorida jarima belgilandi.
Mavzuga doir:
- Toshkent viloyatida YPX xodimi xizmat mashinasining mayoqchasini yoqib qo‘yib, shaxsiy maqsadda foydalanganiga izoh berildi
- Qashqadaryoda avtomobilni haydovchi ruxsatisiz jarima maydonchasiga haydab ketgani aytilgan YPX xodimiga xizmat tekshiruvi tayinlandi
- Internetda YPX xodimlarini gadoylarga tenglashtirib, ularni haqorat qilgan shaxs 12 mln so‘m jarimaga tortildi
Izoh (0)