O‘zbekistonda so‘nggi sakkiz oy ichida qasddan badanga yengil shikast yetkazgan 47 nafar fuqaro qamaldi. Bu haqda AOKAda o‘tkazilgan brifingda Oliy sud axborot xizmati rahbari Aziz Abidov ma’lum qildi.
O‘zbekistonda 2021-yilning birinchi yarim yilligi davomida jinoyat ishlari bo‘yicha sudlar tomonidan qasddan badanga yengil shikast yetkazishda ayblangan 1 686 nafar shaxsga nisbatan 1 508 ta jinoyat ishi ko‘rib chiqildi.
Shundan 714 nafariga nisbatan ayblov hukmi, 4 nafar shaxsga nisbatan oqlov hukmi chiqarilgan. 954 nafar shaxsga taalluqli jinoyat ishlari esa taraflar yarashgani munosabati tugatilgan. 6 ta jinoyat ishi bo‘yicha 6 nafar shaxsga nisbatan tibbiy yo‘sindagi majburlov chorasi qo‘llanilgan.
Jazo tayinlab, hukm chiqarilgan 689 nafar shaxsning 107 nafariga jarima, 333 nafariga axloq tuzatish ishlari, 198 nafariga ozodlikni cheklash, 47 nafariga ozodlikdan mahrum qilish va 4 nafariga boshqa jazo turlari tayinlangan.
Bundan avval Namanganda qimorbozlar pichoqlashgani aytilgan video yuzasidan ma’lumot berilgani, Surxondaryodagi maktabda o‘zaro janjallashgan o‘qituvchilarga jinoyat ishi qo‘zg‘atilgani hamda Qashqadaryoda mast ota o‘g‘lini temir bo‘lagi bilan urib, o‘ldirib qo‘ygani haqida xabar berilgandi.
Izoh (0)