Amerikalik reper Kanye Uest 26-avgust kuni o‘zining uchinchi konserti — Donda albomi taqdimoti o‘tkaziladigan Chikago stadionida bolaligidagi uyni quradi. Bu haqda TMZ nashriga tayanib Esquire xabar berdi.
Reper o‘tgan dam olish kunlari Instagram’idagi barcha rasmlarini o‘chirib tashlagan va shundan so‘ng bir nechta post e’lon qilgan. OAV vakillari buni konsertning o‘ziga xos tizeri deb baholamoqda. Suratlarning birinchisida reperning bolalikdagi uyi tasvirlangan. 2020-yilda musiqachi uni 225 ming dollarga sotgan bo‘lib, uni ta’mirlashni rejalashtirayotgan edi.
Shuningdek, ijtimoiy tarmoqlarda Chikagodagi Soldier Field stadionidagi suratlar ham paydo bo‘lgan. Unda artist ulg‘aygan uyni yodga soluvchi konstruksiya qad rostlayotgani tasvirlangan.
https://www.instagram.com/p/CS75rO-JhN0/
Reper o‘z albomini Atlantadagi Mercedes-Benz Stadium stadionida ikki marta taqdim etgan, joriy haftada Chikagoda uchinchi taqdimot o‘tkazilishi rejalashtirilgan. Musiqachining menejeri bir necha bor relizi kechiktirilgan albom tadbirdan keyin 100 foiz tayyor bo‘lishini va’da qilgan.
Kanye Uest o‘zining yangi plastinkasini 2007-yili 58 yoshida vafot etgan onasi Donda Uest sharafiga nomlagan.
Avvalroq Netflix Kanye Uest haqidagi hujjatli filmni namoyish etish huquqini 30 million dollarga sotib olgani, film 21 yil davomida yaratilgani to‘g‘risida xabar berilgandi.
Izoh (0)