Amerikalik reper Kanye Uest yangi Donda nomli albomining sharafiga uchinchi shousini taqdim etdi. So‘nggi tadbir Chikagodagi Soldier Field stadionida bo‘lib o‘tdi, deb xabar beradi “Korrespondent.net”.
Keng ko‘lamli dekoratsiya va maxsus effektlardan tashqari, tomoshabinlar No Child Left Behind qo‘shig‘i ijro etilayotgan vaqtda sahnaga Kanyening sobiq turmush o‘rtog‘i Kim Kardashyan chiqib kelganidan hayratga tushdi.
Ijtimoiy tarmoqlar yulduzi Balanciaga Couture to‘y libosi va oq fatada ko‘rinish bergan. U astalik bilan qo‘liga Injilni ushlagan holda tabassum qilib turgan Kanye tomon yurgan.
Mazkur holat sabab ularning muxlislari ikki yulduz yana qayta topishganini taxmin qilmoqda, ammo TMZ’ning insayderlari ushbu ma’lumotlarni rad etgan. Ularning ma’lum qilishicha, shu orqali Kim sobiq turmush o‘rtog‘ini qo‘llab-quvvatlashini ko‘rsatmoqchi bo‘lgan.
Mavzuga doir: “O‘zimni omadsiz insondek his qilyapman”: Kim Kardashyan Kanye Uest bilan ajrashishi haqida so‘zlab berdi
Ma’lumot uchun, Kanye Uest Kardashyanning uchinchi turmush o‘rtog‘i hisoblanadi. Birinchi turmush o‘rtog‘i, musiqa prodyusseri Deymon Tomas bilan u 2004-yilda ajrashgan bo‘lsa, basketbolchi Kris Xamfris bilan qurgan ikkinchi turmushi esa 72 kun davom etgan.
Izoh (0)