Америкалик рэпер Канье Уэст 26 август куни ўзининг учинчи концерти — Donda альбоми тақдимоти ўтказиладиган Чикаго стадионида болалигидаги уйни қуради. Бу ҳақда TMZ нашрига таяниб Esquire хабар берди.
Рэпер ўтган дам олиш кунлари Instagram’идаги барча расмларини ўчириб ташлаган ва шундан сўнг бир нечта пост эълон қилган. ОАВ вакиллари буни концертнинг ўзига хос тизери деб баҳоламоқда. Суратларнинг биринчисида рэпернинг болаликдаги уйи тасвирланган. 2020 йилда мусиқачи уни 225 минг долларга сотган бўлиб, уни таъмирлашни режалаштираётган эди.
Шунингдек, ижтимоий тармоқларда Чикагодаги Soldier Field стадионидаги суратлар ҳам пайдо бўлган. Унда артист улғайган уйни ёдга солувчи конструкция қад ростлаётгани тасвирланган.
https://www.instagram.com/p/CS75rO-JhN0/
Рэпер ўз альбомини Атлантадаги Mercedes-Benz Stadium стадионида икки марта тақдим этган, жорий ҳафтада Чикагода учинчи тақдимот ўтказилиши режалаштирилган. Мусиқачининг менежери бир неча бор релизи кечиктирилган альбом тадбирдан кейин 100 фоиз тайёр бўлишини ваъда қилган.
Канье Уэст ўзининг янги пластинкасини 2007 йили 58 ёшида вафот этган онаси Донда Уэст шарафига номлаган.
Аввалроқ Netflix Канье Уэст ҳақидаги ҳужжатли фильмни намойиш этиш ҳуқуқини 30 миллион долларга сотиб олгани, фильм 21 йил давомида яратилгани тўғрисида хабар берилганди.
Изоҳ (0)