Portugaliyalik hujumchi Krishtianu Ronaldu “Manchester Yunayted”ga qaytdi.
Ingliz klubi 36 yoshli futbolchi bilan kelishuvga erishganini rasman e’lon qildi. Ronaldu Manchester klubida tibbiy ko‘rik o‘tib, shartnoma imzolaydi.
Xabarlarga ko‘ra, Krishtianu “Manchester Yunayted”da yiliga 25 million funt maosh oladi. Mankunianlar “Yuventus”ga 25 million yevro to‘lab bergan.
Eslatib o‘tamiz, Ronaldu 2003—2009-yillar mobaynida “Yunayted”da to‘p surgan. Ingliz klub safida futbolchi uch bor Angliya chempionatida g‘olib bo‘lgan, ikki bor Liga Kubogi va bir marta mamlakat Kubogida zafar quchgan.
Shuningdek, portugaliyalik forvard “Manchester Yunayted” bilan Chempionlar Ligasi va klublar o‘rtasidagi JChda ham g‘olib chiqqan.
Izoh (0)