Португалиялик ҳужумчи Криштиану Роналду «Манчестер Юнайтед»га қайтди.
Инглиз клуби 36 ёшли футболчи билан келишувга эришганини расман эълон қилди. Роналду Манчестер клубида тиббий кўрик ўтиб, шартнома имзолайди.
Хабарларга кўра, Криштиану «Манчестер Юнайтед»да йилига 25 миллион фунт маош олади. Манкунианлар «Ювентус»га 25 миллион евро тўлаб берган.
Эслатиб ўтамиз, Роналду 2003—2009 йиллар мобайнида «Юнайтед»да тўп сурган. Инглиз клуб сафида футболчи уч бор Англия чемпионатида ғолиб бўлган, икки бор Лига Кубоги ва бир марта мамлакат Кубогида зафар қучган.
Шунингдек, португалиялик форвард «Манчестер Юнайтед» билан Чемпионлар Лигаси ва клублар ўртасидаги ЖЧда ҳам ғолиб чиққан.
Изоҳ (0)