Sloveniyalik mutaxassis Srechko Katanes O‘zbekiston milliy terma jamoasiga bosh murabbiy etib tayinlandi. Bu haqda O‘FA matbuot xizmati ma’lum qildi.
Katanes bilan 2025-yilga qadar mo‘ljallangan shartnoma imzolangan. Katanes bilan birga murabbiylar shtabida yana besh nafar xorijlik mutaxassis ish olib boradi.
- Bosh murabbiy: Srechko Katanes
- Yordamchi murabbiylar: Alesh Chex va Vlado Radmanovich
- Jismoniy tayyorgarlikka javobgar murabbiy: Martin Magister
- Darvozabonlar murabbiyi: Nihad Peykovich
- Fizioterapevt: Ian Katanes.
Ma’lumot uchun, Katanes faoliyati mobaynida Sloveniya, BAA, Makedoniya, Iroq terma jamoalari va “Olimpiakos” klubini boshqargan. Uning so‘nggi ish joyi Iroq terma jamoasi bo‘ldi, uning iroqliklar bilan hamkorlikni to‘xtatishiga maoshlarining to‘lanmagani sabab bo‘ldi. Katanesning murabbiy sifatidagi eng yaxshi natijasi Sloveniya terma jamoasini 2000-yilgi Yevropa chempionati va 2000-yilgi Jahon Chempionatiga olib chiqqani bo‘lgan.
Qayd etish o‘rinli, Srechko O‘zbekiston terma jamoasini boshqaradigan birinchi xorijlik murabbiy emas. Bungacha Ubirajara da Silva (Braziliya), Hans-Yurgen Gyode (Germaniya), Robert Hafton (Angliya), Valeriy Nepomnyashchiy (Rossiya), Ektor Kuper (Argentina) kabi bir qator xorijlik mutaxassislar milliy jamoaga ustozlik qilgan.
Izoh (0)