Samarqand viloyatida farzandini 4 ming dollarga sotmoqchi bo‘lgan ayol ushlandi, deb xabar beradi O‘zA.
Ma’lum qilinishicha, 24-avgust kuni DXX Samarqand viloyati boshqarmasi va viloyat IIB xodimlari hamkorligida tezkor tadbir o‘tkazilgan. Tadbir davomida 1997-yilda Qashqadaryo viloyatida tug‘ilgan va hozirda Samarqand tumanida vaqtincha yashayotgan fuqaro D.B. o‘zining 17 kunlik qiz farzandini 4 ming dollarga sotayotgan vaqtida jinoyat ustida qo‘lga olingan.
Mazkur holat yuzasidan D.B.ga nisbatan Jinoyat kodeksining 135-moddasi (odam savdosi) 3-qismi “a” bandi bilan jinoyat ishi qo‘zg‘atildi.
Avvalroq Samarqandda 19 yoshli qiz onasini davolatish uchun 3 yoshli o‘g‘lini 600 dollarga sotmoqchi bo‘lgani, Toshkentda 8 oylik bolasini 7 ming dollarga sotmoqchi bo‘lgan ona va uning dugonasiga hukm o‘qilgani, Toshkentda ayol 6 kunlik chaqalog‘ini 18 ming dollarga sotayotganida ushlangani to‘g‘risida xabar berilgandi.
Izoh (0)