Самарқанд вилоятида фарзандини 4 минг долларга сотмоқчи бўлган аёл ушланди, деб хабар беради ЎзА.
Маълум қилинишича, 24 август куни ДХХ Самарқанд вилояти бошқармаси ва вилоят ИИБ ходимлари ҳамкорлигида тезкор тадбир ўтказилган. Тадбир давомида 1997 йилда Қашқадарё вилоятида туғилган ва ҳозирда Самарқанд туманида вақтинча яшаётган фуқаро Д.Б. ўзининг 17 кунлик қиз фарзандини 4 минг долларга сотаётган вақтида жиноят устида қўлга олинган.
Мазкур ҳолат юзасидан Д.Б.га нисбатан Жиноят кодексининг 135-моддаси (одам савдоси) 3-қисми «а» банди билан жиноят иши қўзғатилди.
Аввалроқ Самарқандда 19 ёшли қиз онасини даволатиш учун 3 ёшли ўғлини 600 долларга сотмоқчи бўлгани, Тошкентда 8 ойлик боласини 7 минг долларга сотмоқчи бўлган она ва унинг дугонасига ҳукм ўқилгани, Тошкентда аёл 6 кунлик чақалоғини 18 минг долларга сотаётганида ушлангани тўғрисида хабар берилганди.
Изоҳ (0)