Ispaniyaning Peniskola munitsipalitetida (Kastelon provinsiyasi, Valensiya avtonom jamoasi) uch qavatli turar joy binosi qulab tushdi. Bu haqda El Mundo va El Periodico nashrlari xabar berdi.
Nashrlarga ko‘ra, vayronalar ostida kamida 3 kishi qolib ketgan. Qutqaruvchilar allaqachon qurbonlardan birini topgan, uni yuzaga olib chiqish uchun maxsus operatsiya olib borilmoqda.
Bino qulashining sabablari haqida ma’lumot berilmagan. U yaqinda qurilgan. El Mundo xabariga ko‘ra, favqulodda holat mintaqada bir necha kun davom etgan kuchli yomg‘ir tufayli yuzaga kelgan bo‘lishi mumkin.
Qayd etilishicha, qulash paytida qo‘shni uylar ham zarar ko‘rgan. Shu munosabat bilan ulardan 30 ga yaqin aholi evakuatsiya qilinmoqda.
Jabrlanganlarni qidirish uchun oltita qutqaruv bo‘linmasi, kinologiya bo‘linmasi, apparat-logistika bo‘linmasi va beshta qo‘mondonlik bo‘linmasi safarbar qilingan.
Izoh (0)