Испаниянинг Пенискола муниципалитетида (Кастелон провинцияси, Валенсия автоном жамоаси) уч қаватли турар жой биноси қулаб тушди. Бу ҳақда El Mundo ва El Periodico нашрлари хабар берди.
Нашрларга кўра, вайроналар остида камида 3 киши қолиб кетган. Қутқарувчилар аллақачон қурбонлардан бирини топган, уни юзага олиб чиқиш учун махсус операция олиб борилмоқда.
Бино қулашининг сабаблари ҳақида маълумот берилмаган. У яқинда қурилган. El Mundo хабарига кўра, фавқулодда ҳолат минтақада бир неча кун давом этган кучли ёмғир туфайли юзага келган бўлиши мумкин.
Қайд этилишича, қулаш пайтида қўшни уйлар ҳам зарар кўрган. Шу муносабат билан улардан 30 га яқин аҳоли эвакуация қилинмоқда.
Жабрланганларни қидириш учун олтита қутқарув бўлинмаси, кинология бўлинмаси, аппарат-логистика бўлинмаси ва бешта қўмондонлик бўлинмаси сафарбар қилинган.
Изоҳ (0)