Ijtimoiy tarmoqda “Ichki ishlar vazirligining buyrug‘iga bo‘ysunmaydigan komandir” nomi ostida video tarqaldi. Mazkur holat bo‘yicha Toshkent IIBB ma’lumot berdi.
Ma’lum qilinishicha, 2021-yilning 24-avgust kuni tungi vaqtda Toshkent shahar IIBB YPXB 2-batalyon guruh komandiri, katta leytenant A.Azimbayev Mirobod tumani S.Azimov ko‘chasida guruh inspektorlarining faoliyatini tashkillashtirish va nazorat qilish uchun jalb qilingan.
Shu hududda, taxminan, soat 21:00 larda 1989-yilda tug‘ilgan M.O. boshqaruvidagi Lacetti rusumli davlat raqami 01 S 707 ZA bo‘lgan avtoulov YHQning 4.1.1 yo‘l belgisiga rioya qilmasdan uzluksiz 1.3 yo‘l chizig‘ini bosib, ortga qayrilib olgan.
YPX inspektori kichik serjant F.Anorov tomonidan avtoulov to‘xtatilgan va qoidabuzarligi yuzasidan maxsus elektron planshet yordamida ma’muriy bayonnoma rasmiylashtirilayotgan vaqtda haydovchi M.O. o‘ziga nisbatan qog‘oz shaklidagi ma’muriy bayonnoma rasmiylashtirishni talab qilgan.
Shundan so‘ng YPX inspektori F.Anorovning iltimosiga ko‘ra guruh komandiri A.Azimbayev qog‘oz shaklidagi bayonnomani olib kelgan va haydovchiga nisbatan 01-341859 raqamli ma’muriy bayonnoma rasmiylashtirilgan.
O‘ziga nisbatan ma’muriy bayonnoma rasmiylashtirilganidan norozi bo‘lgan M.O. avtoulovidan tushib, YPX inspektorlari faoliyatini tashkillashtirish va nazorat qilish vazifasini bajarayotgan guruh komandiri A.Azimbayevni videotasvirga olgan va xodimga nisbatan noo‘rin savollar bilan murojaat qila boshlagan.
Izoh (0)