Ижтимоий тармоқда «Ички ишлар вазирлигининг буйруғига бўйсунмайдиган командир» номи остида видео тарқалди. Мазкур ҳолат бўйича Тошкент ИИББ маълумот берди.
Маълум қилинишича, 2021 йилнинг 24 август куни тунги вақтда Тошкент шаҳар ИИББ ЙПХБ 2-батальон гуруҳ командири, катта лейтенант А.Азимбаев Миробод тумани С.Азимов кўчасида гуруҳ инспекторларининг фаолиятини ташкиллаштириш ва назорат қилиш учун жалб қилинган.
Шу ҳудудда, тахминан, соат 21:00 ларда 1989 йилда туғилган М.О. бошқарувидаги Lacetti русумли давлат рақами 01 S 707 ZА бўлган автоулов ЙҲҚнинг 4.1.1 йўл белгисига риоя қилмасдан узлуксиз 1.3 йўл чизиғини босиб, ортга қайрилиб олган.
ЙПХ инспектори кичик сержант Ф.Аноров томонидан автоулов тўхтатилган ва қоидабузарлиги юзасидан махсус электрон планшет ёрдамида маъмурий баённома расмийлаштирилаётган вақтда ҳайдовчи М.О. ўзига нисбатан қоғоз шаклидаги маъмурий баённома расмийлаштиришни талаб қилган.
Шундан сўнг ЙПХ инспектори Ф.Аноровнинг илтимосига кўра гуруҳ командири А.Азимбаев қоғоз шаклидаги баённомани олиб келган ва ҳайдовчига нисбатан 01-341859 рақамли маъмурий баённома расмийлаштирилган.
Ўзига нисбатан маъмурий баённома расмийлаштирилганидан норози бўлган М.О. автоуловидан тушиб, ЙПХ инспекторлари фаолиятини ташкиллаштириш ва назорат қилиш вазифасини бажараётган гуруҳ командири А.Азимбаевни видеотасвирга олган ва ходимга нисбатан ноўрин саволлар билан мурожаат қила бошлаган.
Изоҳ (0)