Aeroflot aviakompaniyasining Toshkentdan Moskvaga uchgan samolyoti ikki soat parvozdan so‘ng, texnik nosozlik sabab yana ortga qaytdi, deb xabar beradi Telegram’dagi “Novosti Tashkentskogo neba” kanali.
Ma’lum qilinishicha, 25-avgust kuni Aeroflot’ning SU-7103 reysi Toshkent xalqaro aeroportidan jadvalga muvofiq 05:10 da Moskvaga uchib ketgan. Havo kemasi 8 ming fut balandlikka ko‘tarilgach, ekipaj ortga qaytish bo‘yicha qaror qabul qilgan va soat 07:00 da aeroportga muvaffaqiyatli qo‘ngan.
Dastlabki ma’lumotlarga ko‘ra, samolyotning ventilyatsiya tizimi ishlamay qolgan.
Avvalroq 19-avgustdan boshlab mahalliy aviaqatnovlarni amalga oshiruvchi “Toshkent-3” aeroporti texnik sabablarga ko‘ra noma’lum muddatga yopilgani to‘g‘risida xabar berilgandi.
Izoh (0)