Aeroflot авиакомпаниясининг Тошкентдан Москвага учган самолёти икки соат парвоздан сўнг, техник носозлик сабаб яна ортга қайтди, деб хабар беради Telegram’даги «Новости Ташкентского неба» канали.
Маълум қилинишича, 25 август куни Aeroflot’нинг SU-7103 рейси Тошкент халқаро аэропортидан жадвалга мувофиқ 05:10 да Москвага учиб кетган. Ҳаво кемаси 8 минг фут баландликка кўтарилгач, экипаж ортга қайтиш бўйича қарор қабул қилган ва соат 07:00 да аэропортга муваффақиятли қўнган.
Дастлабки маълумотларга кўра, самолётнинг вентиляция тизими ишламай қолган.
Аввалроқ 19 августдан бошлаб маҳаллий авиақатновларни амалга оширувчи «Тошкент-3» аэропорти техник сабабларга кўра номаълум муддатга ёпилгани тўғрисида хабар берилганди.
Изоҳ (0)