Bugungi kunda ijtimoiy tarmoqlar hamda aholi orasida koronavirusga qarshi vaksinalar xavfsizmi, tarkibida insonga zarar yetkazadigan kimyoviy moddalar bormi, degan savollar paydo bo‘lmoqda. Sanitariya-epidemiologiya xizmati bunga javob berdi.
“Yo‘q. Bizdagi mavjud vaksinalar xavfsizdir. Vaksinalar tarkibiga kiruvchi barcha komponentlar ushbu dozaning ichida bo‘lgan har qanday narsa odamlar uchun xavfsiz bo‘lishini ta’minlash uchun sinchkovlik bilan sinovdan o‘tkaziladi.
Darhaqiqat, vaksinalar tarkibida turli xil elementlar mavjud va ularning har biri sinovdan o‘tkaziladi. Odamlarni emlashni boshlashdan oldin ular hayvonlar, shu jumladan, biror-bir muammoning mavjudligini tekshirish uchun sinovdan o‘tkaziladi. Shundan keyingina vaksinalar odamlargacha yetib borib, ko‘ngillilarda sinovdan o‘tkaziladi. Vaksinalar keng jamoatchilik orasida ishlatilishiga ruxsat berilishidan avval klinik sinovlar o‘n minglab odamlarda o‘tkazildi. Xavfsizlik esa ushbu klinik sinovlarning eng muhim qismidir. Har bir vaksina odamlarda ishlatilishidan oldin uning xavfsizligini ta’minlash maqsadida xavfsizlik tekshiruvidan o‘tadi”, — deyiladi Sanitariya-epidemiologiya xizmati javobida.
Bundan tashqari, vaksinalarni ishlab chiqarish jarayonida sifat nazorati doimiy ravishda amalga oshirilishi, shuning uchun vaksinaning tarkibiga kiruvchi har bir ingrediyentning eng sifatli va odamlar tomonidan foydalanishi uchun xavfsiz bo‘lishi kafolatlanishi qo‘shimcha qilingan.
Sog‘liqni saqlash vazirligi ma’lumotlariga ko‘ra, 23-avgustga kelib O‘zbekistonda jami 12 831 577 doza vaksinadan foydalanilgan bo‘lib, shu kungacha to‘liq emlangan fuqarolar esa 1 494 680 nafarni tashkil qilmoqda. Mamlakatda jami vaksina zaxirasi 17 million 856 ming 540 dozani tashkil qilmoqda.
Izoh (0)