Eriell Group yangi quduqlar ishga tushirilganligi haqida ma’lum qiladi.
“2017—2021-yillarda uglevodorod xomashyosi qazib olishni oshirish bo‘yicha chora-tadbirlar dasturi” doirasida Eriell Group tomonidan “O‘zbekneftgaz” AJ tarkibiy bo‘linmalari bilan hamkorlikda, Buxoro viloyatidagi Gazli neft va gaz qazib chiqarish boshqarmasi “Andakli” konining 15-son qudug‘i ishga tushirildi.
Quduq debiti sutkasiga 220 ming kub metrni tashkil etdi. Shuningdek, Buxoro viloyatidagi Gazli neft va gaz qazib chiqarish boshqarmasi “Doyaxotin” konining 87-son qudug‘ini obodonlashtirish ishlari yakuniga yetkazildi.
“Sharqiy Berdaq” konida Ustyurt neft va gaz qazib chiqarish boshqarmasi (Qoraqalpog‘iston Respublikasi)ning 96-sonli qudug‘i ishga tushirildi. Quduq debiti 22 millimetrlik shtutserda sutkasiga 1 million 36 ming kub metrni tashkil qildi. 96-son quduq “Sharqiy Berdaq” konida 4300 metr chuqurlikkacha muvaffaqiyatli burg‘ilangan ilk quduq bo‘ldi.
Bu yerda diametri 108x6 millimetr va umumiy uzunligi 760 metr bo‘lgan shleyfli gaz quvurining qurilishi amalga oshirildi. Mazkur yo‘nalishdagi ishlar Eriell Group va “O‘zbekneftgaz” AJning umumiy sa’y-harakatlari bilan davom ettirilmoqda.
Eriell Group matbuot xizmati
Izoh (0)